റിയാദ്: യമനിലെ ദുരിതബാധിതർക്ക് ആശ്വാസവുമായി കെ.എസ് റിലീഫ്. അടിയന്തര ഭക്ഷ്യ സഹായ പദ്ധതിയുടെ രണ്ടാം ഘട്ടത്തിന് യമനിലെ ശബ്‌വ ഗവർണറേറ്റിൽ സംഘടന തുടക്കം കുറിച്ചു. ശബ്‌വയിൽ 11,160 ഭക്ഷ്യ കിറ്റുകളാണ് വിതരണം ചെയ്യുന്നത്. ഏകദേശം 78,120 ​പേർക്ക് പദ്ധതിയുടെ പ്രയോജനം ലഭിക്കുമെന്നാണ് റിപ്പോർട്ട്. ഏറ്റവും അർഹരായവർക്ക് സഹായമെത്തിക്കുന്ന സംഘടനയുടെ നടപടിയെ ശബ്‌വ ഡെപ്യൂട്ടി ഗവർണർ അഹമ്മദ് അൽ-ദഗാരി പ്രശംസിച്ചു.

ALSO READ: സഊദിയിൽ ഇന്ന് മഴ ശക്തമാകും; പൊടിക്കാറ്റിനും ആലിപ്പഴ വീഴ്ചയ്ക്കും സാധ്യത; ചുഴലിക്കാറ്റ് മുന്നറിയിപ്പുകൾ വ്യാജം | Saudi Weather updates

ഭക്ഷ്യസഹായത്തിന് പുറമെ മറ്റ് മേഖലകകളിലും കെ.എസ് റിലീഫ് സജീവമാണ്. ഹജ്ജ ഗവർണറേറ്റിലെ അബ്സിൽ പ്രവർത്തിക്കുന്ന മൊബൈൽ ക്ലിനിക്കുകൾ വഴി ഒരു മാസത്തിനിടെ 679 പേർക്കാണ് ചികിത്സ നൽകുന്നത്. എമർജൻസി, ഇന്റേണൽ മെഡിസിൻ, പ്രസവ സംബന്ധമായ സേവനങ്ങൾ എന്നിവയും നൽകിവരുന്നു. യമനിലെ ജനങ്ങളുടെ ദുരിതം ലഘൂകരിക്കാൻ ലക്ഷ്യമിട്ടുള്ള വിപുലമായ പ്രവർത്തനങ്ങളാണ് സഊദി അറേബ്യ കെ.എസ് റിലീഫ് വഴി നടത്തിവരുന്നത്.

"KSrelief launches the second phase of its emergency food intervention in Yemen's Shabwa governorate. Over 11,000 food baskets are being distributed to benefit 78,000+ individuals, alongside vital medical and water supply projects across Yemen."