തിരുവനന്തപുരം: വിഴിഞ്ഞം തുറമുഖത്തിന്റെ നിര്‍മാണ പ്രവര്‍ത്തികള്‍ക്കായി കരിങ്കല്ല് കൊണ്ടുപോകുന്നതിനിടെ ലോറിയില്‍ നിന്ന് കല്ല് തെറിച്ചുവീണ് മരിച്ച യുവാവിന്റെ കുടുംബത്തിന് ഒരു കോടി രൂപ നഷ്ടപരിഹാരം. ബൈക്ക് യാത്രികനായിരുന്ന ബിഡിഎസ് വിദ്യാര്‍ഥി അനന്തുവിന്റെ ആശ്രിതര്‍ക്ക് അദാനി പോര്‍ട്‌സ് ഒരുകോടി രൂപ ജീവനാംശമായി നല്‍കിയെന്ന് ജില്ല കലക്ടര്‍ മനുഷ്യാവകാശ കമ്മീഷനെ അറിയിച്ചു. 

2024 മാര്‍ച്ച് 19ന് വിഴിഞ്ഞം-ബാലരാമപുരം റോഡില്‍ മുക്കോല പെട്രോള്‍ പമ്പിന് സമീപമാണ് അപകടമുണ്ടായത്. ലോറി കുഴിയിലേക്ക് മറിയുകയും ആ സമയം ലോറിയിലുണ്ടായിരുന്ന പാറ തെറിച്ച് ബൈക്കില്‍ സഞ്ചരിക്കുകയായിരുന്ന അനന്തുവിന്റെ ദേഹത്തേക്ക് വീഴുകയുമായിരുന്നു. അനന്തുവിന്റെ കുടുംബത്തിന് നഷ്ടപരിഹാരം നല്‍കിയതിന്റെ വിശദാംശങ്ങള്‍ സമര്‍പ്പിക്കാന്‍ മനുഷ്യാവകാശ കമ്മീഷന്‍ ജില്ലാ കലക്ടര്‍ക്ക് നിര്‍ദേശം നല്‍കിയിരുന്നു. 

ALSO READ: ''ഭരണമാറ്റം ഉടന്‍ സംഭവിക്കും, അത് പക്ഷെ ഇറാനിലാവില്ല, അമേരിക്കയിൽ''; ട്രംപിനെ ട്രോളി സഹോദര പുത്രി 

അതേസമയം മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് പരമാവധി സഹായം കുടുംബത്തിന് അനുവദിക്കാനും, അനന്തുവിന്റെ സഹോദരിക്ക് സര്‍ക്കാര്‍ ജോലി നല്‍കാനും സര്‍ക്കാരിലേക്ക് ശുപാര്‍ശ നല്‍കിയതായും കലക്ടര്‍ കമ്മീഷനെ അറിയിച്ചു. 

family of the youth who died after a stone fell from a lorry transporting rocks for the construction of vizhinjam port will receive compensation of one crore rupees.