ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. ഇപ്പോൾ റൊണാൾഡോയാണോ മെസിയാണോ ഫുട്ബോളിലെ മികച്ച താരമെന്നതിനെക്കുറിച്ച് സംസാരിച്ചിരിക്കുകയാണ് മുൻ അർജന്റൈൻ താരവും ലോകകപ്പ് ജേതാവുമായ ഓസ്‌കാർ റുഗേരി. റൊണാൾഡോയെ മറികടന്ന് മെസിയെയാണ് മുൻ അർജന്റീന താരം മികച്ച താരമായി തെരഞ്ഞെടുത്തത്. മെസിയെ പോലെ റൊണാൾഡോ ഒരു പ്രതിഭയല്ലെന്നാണ് മുൻ താരം അഭിപ്രായപ്പെട്ടത്. ബോല വിപ്പിന് നൽകിയ അഭിമുഖത്തിൽ ഓസ്‌കാർ റുഗേരി പറഞ്ഞു.

പ്രതിഭയുള്ള ഒരു താരവും മികച്ച താരമായ മറ്റൊരാളും തമ്മിൽ വലിയ വ്യത്യാസമുണ്ട്. മെസി ഒരു പ്രതിഭയാണ് റൊണാൾഡോ ഒരു താരവും റൊണാൾഡോ വളരെ മികച്ച താരമാണ് എന്നാൽ മെസിയെ പോലെ അദ്ദേഹം ഒരു പ്രതിഭയല്ല'' ഓസ്‌കാർ റുഗേരി പറഞ്ഞു. 

നിലവിൽ അമേരിക്കൻ ക്ലബ് ഇന്റർ മയാമിക്ക് വേണ്ടിയാണ് മെസി കളിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന പല കിരീടങ്ങളും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

മറുഭാഗത്ത് റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരവുമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി പ്രായം തളർത്താത്ത പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. 

Who is the best player between Cristiano Ronaldo and Lionel Messi has been a hotly debated topic in the world of football for two decades. Now, former Argentine player and World Cup winner Oscar Ruggeri has spoken out about whether Ronaldo or Messi is the best player in football. The former Argentine player has chosen Messi as the best player, surpassing Ronaldo.