ആലപ്പുഴ: അരൂരിലെ യുഡിഎഫ് സ്ഥാനാർത്ഥി ഷാനിമോൾ ഉസ്മാനെതിരെ തിരഞ്ഞെടുപ്പ് ചട്ടലംഘനത്തിന് കേസെടുത്ത് പൊലിസ്. നിരോധന ഉത്തരവ് ലംഘിച്ച് പോളിങ് ബൂത്തിൽ പ്രവേശിക്കാൻ ശ്രമിച്ചതിനാണ് നടപടി. ഷാനിമോളെ കൂടാതെ എൽഡിഎഫ്, എൻഡിഎ പ്രവർത്തകർക്കെതിരെയും പൂച്ചാക്കൽ പൊലിസ് കേസെടുത്തിട്ടുണ്ട്.

ALSO READ: കേരളം വിധിയെഴുതി; 14 ജില്ലകളിലെയും വോട്ടിങ് സംഭവവികാസങ്ങൾ ഒറ്റനോട്ടത്തോൽ

വ്യാഴാഴ്ച വൈകീട്ട് 6.30-ഓടെ വോട്ടെടുപ്പ് സമയം കഴിഞ്ഞ് ഗേറ്റ് അടച്ചതിന് ശേഷമാണ് പെരുമ്പളം ഗവ. സൗത്ത് എൽ.പി. സ്കൂളിൽ എത്തിയത്. തുടർന്ന്, പ്രവേശന സമയം കഴിഞ്ഞുവെന്ന് ചൂണ്ടിക്കാട്ടി ഉദ്യോഗസ്ഥർ സ്ഥാനാർത്ഥിയെ തടഞ്ഞു. ഈസമയം, ഷാനിമോൾ ബൂത്തിൽ പ്രവേശിക്കുന്നതിനെ എതിർത്ത് എൽഡിഎഫ് പ്രവർത്തകരും രം​ഗത്തെത്തി. ഇതോടെ ബൂത്ത് പരിസരത്ത് സംഘർഷമുണ്ടായി. തുടർന്നാണ്, ഷാനിമോളും യുഡിഎഫ് പ്രവർത്തകരും സ്കൂളിന് മുന്നിൽ കുത്തിയരുന്ന് പ്രതിഷേധിച്ചത്. പിന്നീട് ജില്ലാ കളക്ടറുടെ നിർദ്ദേശപ്രകാരമാണ് ഷാനിമോൾ ഉസ്മാന് ബൂത്തിനുള്ളിൽ പ്രവേശിക്കാൻ സാധിച്ചത്.