ടി-20 ക്രിക്കറ്റിൽ പുതിയ ചരിത്രം കുറിച്ച് ബ്രസീലിയൻ താരം ലോറ കാർഡോസോ. ഒരു അന്താരാഷ്ട്ര ടി-20 മത്സരത്തിൽ ഒമ്പത് വിക്കറ്റുകൾ നേടുന്ന ആദ്യ താരമായി മാറിയാണ് ലോറ ലോക റെക്കോർഡിട്ടത്. ലെസോത്തോക്കെതിരെയുള്ള മത്സരത്തിലാണ് ബ്രസീലിയൻ താരത്തിന്റെ അമ്പരിപ്പിക്കുന്ന പ്രകടനം.

മൂന്ന് ഓവറിൽ വെറും നാല് റൺസ് മാത്രം വിട്ടുനൽകിയാണ് ഒമ്പത് വിക്കറ്റുകൾ ലോറ സ്വന്തമാക്കിയത്. ആദ്യം ബാറ്റ് ചെയ്ത ബ്രസീൽ 20 ഓവറിൽ എട്ട് വിക്കറ്റ് നഷ്ടത്തിൽ 202 റൺസാണ് നേടിയത്. മറുപടി ബാറ്റിങ്ങിനിറങ്ങിയ ലെസോത്തോ വെറും 13 റൺസിന്‌ പുറത്തായി. 

ടി-20യിലെ ഒരു മത്സരത്തിലെ ഏറ്റവും മികച്ച ബൗളിംഗ് റെക്കോർഡ് ഭൂട്ടാന്റെ ഇടംകയ്യൻ സ്പിന്നർ സോനം യെഷെയുടെ പേരിലായിരുന്നു. മ്യാൻമറിനെതിരെയുള്ള ടി-20 മത്സരത്തിൽ എട്ട് വിക്കറ്റുകൾ വീഴ്ത്തിയാണ് സോനം യെഷെ ചരിത്രം സൃഷ്ടിച്ചത്. നാല് ഓവറുകളിൽ നിന്നും വെറും ഏഴ് റൺസ് മാത്രം വിട്ടുനൽകിയാണ് ഭൂട്ടാന്റെ 22കാരനായ സോനം യെഷെ എട്ട് വിക്കറ്റുകൾ സ്വന്തമാക്കിയത്. 

2023ൽ മലേഷ്യൻ താരം സ്വാസുൾ ഇഡ്രസിന്റെ പേരിലുണ്ടായിരുന്ന ടി-20യിലെ ഏറ്റവും മികച്ച ബൗളിംഗ് പ്രകടനം എന്ന റെക്കോർഡ് തകർത്തായിരുന്നു ഭൂട്ടാൻ താരം ഈ നേട്ടത്തിലെത്തിയത്. മൂന്ന് വർഷം മുമ്പ് ചൈനയ്ക്കെതിരെ എട്ട് റൺസ് മാത്രം വിട്ടുനൽകി ഏഴ് വിക്കറ്റുകൾ ആയിരുന്നു മലേഷ്യൻ താരം നേടിയിരുന്നത്. ഇപ്പോൾ മൂന്ന് വർഷങ്ങൾക്ക് ശേഷം ബ്രസീലിയൻ താരം ഈ റെക്കോർഡ് തന്റെ പേരിലാക്കി മാറ്റിയത്. 

Brazilian player Laura Cardoso has created a new history in T20 cricket. Laura has set a world record by becoming the first player to take nine wickets in an international T20 match. The Brazilian player's astonishing performance was in the match against Lesotho. Laura took nine wickets in three overs, conceding just four runs.