തൃശ്ശൂര്‍: കോടാലിയില്‍ എട്ട് വയസ്സുകാരന്‍ പാമ്പുകടിയേറ്റു മരിച്ചു. കാവുങ്ങല്‍ സില്‍ജോ -ജോണ്‍സ്ി ദമ്പതികളുടെ ഇളയ മകന്‍ ആല്‍ജോ ആണ് മരിച്ചത്. ആല്‍ജോയുടെ സഹോദരന്‍ അനോജിനും പാമ്പ് കടിയേറ്റിട്ടുണ്ട്. അനോജ് അപ്പോളോ ആശുപത്രിയില്‍ ചികിത്സയിലാണ്.

കുട്ടികള്‍ കിടന്ന മുറിയിലെ തലയണയ്ക്കടിയില്‍ നിന്ന് പാമ്പിനെ കണ്ടെത്തി.കുട്ടികള്‍ രണ്ടുപേരും കിടന്നിരുന്ന തലയണയുടെ അടിയില്‍ നിന്നാണ് പാമ്പിനെ കണ്ടെത്തിയത്. 

ഭക്ഷ്യവിഷബാധയേറ്റെന്നായിരുന്നു ആദ്യം മാതാപിതാക്കള്‍ കരുതിയിരുന്നത്. പുലര്‍ച്ചയോടെ മകന്‍ അബോധാവസ്ഥയിലാവുകയായിരുന്നു. കുട്ടിയുടെ മരണത്തിന് പിന്നാലെ വീട്ടില്‍ നടത്തിയ പരിശോധനയിലാണ് കിടക്കയില്‍ തലയണയ്ക്കടിയില്‍ പാമ്പിനെ കണ്ടെത്തിയത്. പിന്നാലെ കുട്ടിയുടെ ദേഹത്ത് പാമ്പുകടിയേറ്റ അടയാളവും കണ്ടെത്തി. പാമ്പിനെ വീട്ടുകാര്‍ തല്ലിക്കൊന്നു.  

A tragic incident in Thrissur claimed the life of an 8-year-old boy after he was bitten by a venomous snake that was found under his pillow while he was sleeping. His brother, who was also bitten, remains in critical condition.