തിരുവനന്തപുരം: വാൽപ്പാറയിലുണ്ടായ ദുരന്തത്തിൻ്റെ പശ്ചാത്തലത്തിൽ ഹെയർപിൻ വളവുകളിലെ അപകടങ്ങൾ ഒഴിവാക്കുന്നതിനുള്ള ജാഗ്രതാ നിർദേശവുമായി പൊലിസ്. റോഡുകളിലെ ഹെയർപിൻ വളവുകൾ ഏറെ അപകട സാധ്യതയുള്ള ഭാഗങ്ങളാണ്. ഇത്തരം വളവുകൾ കയറുമ്പോഴും ഇറങ്ങുമ്പോഴും പ്രത്യേക ജാഗ്രത വേണമെന്ന് പൊലിസ് മുന്നറിയിപ്പ് നൽകി. 

നിർദേശങ്ങൾ:

ഹെയർപിൻ വളവിൽ എത്തുന്നതിനുമുമ്പ് വേഗത കുറയ്ക്കണം. ഹെയർപിൻ വളവുകളിൽ ഓവർടേക്ക് ചെയ്യരുത്. ഹോൺ മുഴക്കി മുന്നിലുള്ള വാഹനങ്ങൾക്ക് സൂചന നൽകുക. കയറ്റത്തിൽ ചെറിയ ഗിയറിൽ വാഹനം നിയന്ത്രിക്കണം. ഇറക്കത്തിൽ ബ്രേക്ക് മാത്രം ആശ്രയിക്കാതെ എൻജിൻ ബ്രേക്കിങ് ഉപയോഗിക്കുക. വളവിൽ വാഹനം നിർത്തിയിടരുത്.