മനാമ: ഈ വർഷത്തെ ഹജ്ജ് തീർഥാടനത്തിന് മുന്നോടിയായി ബഹ്‌റൈൻ ഹജ്ജ് മിഷൻ തീർഥാടകർക്കുള്ള നുസുക് കാർഡുകളുടെ വിതരണം ആരംഭിച്ചു. സഊദിയിലെ ഹജ്ജ്-ഉംറ മന്ത്രാലയവുമായി സഹകരിച്ച്, ലൈസൻസുള്ള ടൂർ ഓപറേറ്റർമാർ വഴിയാണ് കാർഡുകൾ വിതരണം ചെയ്യുന്നത്. സഊദിയിലെത്തുന്നതിനുമുമ്പ് തന്നെ യാത്രാ നടപടിക്രമങ്ങൾ ലഘൂകരിക്കുകയാണ് ഇതിലൂടെ ലക്ഷ്യമിടുന്നത്. തീർഥാടകരുടെ പ്രധാന തിരിച്ചറിയൽ രേഖയായ നുസുക് കാർഡ്, മക്കയിലും വിശുദ്ധ സ്ഥലങ്ങളിലും പ്രവേശിക്കുന്നതിന് നിർബന്ധമാണ്. നുസുക് കാർഡ് ഡിജിറ്റലായും തീർഥാടകർക്ക് കൈവശം വെക്കാമെന്ന് ബഹ്‌റൈൻ ഹജ്ജ് മിഷൻ ഡെപ്യൂട്ടി ഹെഡ് ഡോ. മുഹമ്മദ് താഹർ അൽ ഖത്താൻ അറിയിച്ചു.

ALSO READ: ആഭ്യന്തര തീർഥാടനം: 73 കമ്പനികൾക്ക് സഊദി ഹജ്ജ് മന്ത്രാലയത്തിന്റെ അംഗീകാരം; സേവനങ്ങളുടെ നിലവാരം ഉറപ്പാക്കാൻ നിരീക്ഷണ സംവിധാനങ്ങൾ | Hajj 2026

23 ലൈസൻസുള്ള ടൂർ ഓപറേറ്റർമാർ വഴി ബഹ്‌റൈനിൽ നിന്നുള്ള 4,625 തീർഥാടകർക്കും കാർഡുകൾ ഉടൻ ലഭ്യമാക്കും. യാത്രയ്ക്കു മുമ്പേ കാർഡുകൾ നൽകുന്നതിലൂടെ സഊദിയിലെത്തിയ ശേഷമുള്ള നടപടിക്രമങ്ങൾ കുറയ്ക്കാൻ സാധിക്കുമെന്നും രണ്ടാം വർഷമാണ് ഈ രീതി വിജയകരമായി നടപ്പിലാക്കുന്നതെന്നും ഡോ. അൽ ഖത്താൻ വ്യക്തമാക്കി. തീർഥാടകരെ സ്വീകരിക്കുന്നതിനും ആവശ്യമായ സേവനങ്ങളും സൗകര്യങ്ങളും ഒരുക്കുന്നതിനുമായി ഹജ്ജ് മിഷന്റെ ആദ്യ സംഘം വരുന്ന ഉടൻ സഊദിയിലേക്ക് തിരിക്കും. ബാക്കിയുള്ള ടീമുകൾ തൊട്ടുപിന്നാലെ എത്തുെമന്നും അദ്ദേഹം അറിയിച്ചു. 

Bahrain Haj Mission begins distribution of Nusuk cards for 4,625 pilgrims through licensed tour operators. The digital and physical cards are mandatory for entry to Makkah and holy sites, streamlining arrival procedures in Saudi Arabia.