ഡല്‍ഹി: വി.ഡി. സതീശനെ ഹൈക്കമാന്‍ഡ് മുഖ്യമന്ത്രിയായി തെരഞ്ഞെടുത്തത് സന്തോഷത്തോടെ, സര്‍വാത്മനാ സ്വാഗതം ചെയ്യുന്നെന്ന് എ.ഐ.സി.സി ജനറല്‍ സെക്രട്ടറി കെ.സി. വേണുഗോപാല്‍. വരാനിരിക്കുന്ന സര്‍ക്കാരിന് എല്ലാവിധ പിന്തുണയും വാഗ്ദാനംചെയ്യുന്നുവെന്നും മുഖ്യമന്ത്രിയായി ഹൈക്കമാന്‍ഡ് നിയമിച്ച വി.ഡി. സതീശനെ അങ്ങേയറ്റം ഹൃദയംതുറന്ന് അഭിനന്ദിക്കുന്നുവെന്നും അദ്ദേഹം പറഞ്ഞു. ഡല്‍ഹിയില്‍ മാധ്യമങ്ങളോട് സംസാരിക്കുകയായിരുന്നു വേണുഗോപാല്‍. 

ALSO READ: വനവാസമല്ല, ഇനി സിംഹാസനം; വെല്ലുവിളികളെ അതിജീവിച്ച നായകത്വം

എം.എല്‍.എമാരുടെ പിന്തുണ താങ്കള്‍ക്കായിരുന്നില്ലേ എന്ന ചോദ്യത്തിന്, അത്തരം കാര്യങ്ങള്‍ക്കൊന്നും ഇനി പ്രസക്തിയില്ലെന്ന് വേണുഗോപാല്‍ പറഞ്ഞു. ഹൈക്കമാന്‍ഡിന്റെ തീരുമാനം ഞാന്‍ ശിരസ്സാവഹിക്കുന്നു. അടിയുറച്ച കോണ്‍ഗ്രസുകാരനാണ് ഞാന്‍. സര്‍ക്കാരിന് എല്ലാവിധ പിന്തണയും നല്‍കുമെന്നും അദ്ദേഹം പറഞ്ഞു. 

ALSO READ: രാഷ്ട്രീയ കോലാഹലങ്ങൾക്കൊടുവിൽ വി.ഡി സതീശൻ മുഖ്യമന്ത്രി

തന്നെ പിന്തുണച്ചവരെല്ലാം ഈ തീരുമാനം അംഗീകരിക്കണമെന്നും അദ്ദേഹം കൂട്ടിച്ചേര്‍ത്തു. ആക്രമിക്കുന്നവര്‍ക്ക് ഇനിയും സധൈര്യം തുടരാം. ആക്ഷേപങ്ങളെല്ലാം താന്‍ സഹിച്ചോളാമെന്നും വേണുഗോപാല്‍ പ്രതികരിച്ചു. 

Senior Congress leader KC Venugopal has come forward to congratulate VD Satheesan on being chosen as the next Chief Minister of Kerala. Speaking to the media in Delhi, Venugopal stated that he is "completely satisfied" with the High Command's decision, putting an end to rumors of internal discontent.