മക്ക: വിശുദ്ധ ഹറം പള്ളിയിലും മദീനയിലെ പ്രവാചക മസ്ജിദിലും എത്തുന്ന തീർഥാടകരുടെ യാത്ര കൂടുതൽ എളുപ്പമാക്കാൻ ത്രീഡി ഇന്ററാക്ടീവ് മാപ്പ് സംവിധാനവുമായി ജനറൽ അതോറിറ്റി. നുസുക് കാർഡുമായി ഈ മാപ്പ് നേരിട്ട് ബന്ധിപ്പിച്ചിരിക്കുന്നതിനാൽ തീർഥാടനം ഇനി കൂടുതൽ എളുപ്പമാകും. ഗതാഗത റൂട്ടുകൾ, ഹോട്ടലുകൾ, അടിസ്ഥാന സൗകര്യങ്ങൾ എന്നിവ ചേർത്താണ് ഈ മാപ്പ് തയ്യാറാക്കിയിരിക്കുന്നത്. തിരക്കേറിയ സമയങ്ങളിൽ ​ഗതാ​ഗതം സു​ഗമമാക്കാൻ മാപ്പ് സഹായകരമാകും.

ALSO READ: ഏഷ്യൻ വനിതാ ഫോറത്തിൽ തിളങ്ങി സഊദി അറേബ്യ; വനിതാ ശാക്തീകരണ നേട്ടങ്ങൾ ആഗോള ശ്രദ്ധയിൽ

കാലാവസ്ഥാ അപ്‌ഡേറ്റുകൾ, ശുചിമുറികളുടെ ലൊക്കേഷൻ തുടങ്ങിയ വിവരങ്ങൾ മാപ്പിലെ റെസ്പോൺസീവ് ഇന്റർഫേസ് വഴി തീർഥാടകർക്ക് തത്സമയ വിവരങ്ങൾ ലഭ്യമാകും. സഊദി വിഷൻ 2030ന്റെ ലക്ഷ്യങ്ങളിലൊന്നായ ഈ സാങ്കേതിക വിദ്യ വഴി തീർഥാടകർക്ക് മികച്ച സേവനമാണ് മന്ത്രാലയം ഉറപ്പാക്കുന്നത്. ആധുനിക ഡിജിറ്റൽ സംവിധാനങ്ങൾ പ്രയോജനപ്പെടുത്തിക്കൊണ്ട് സ്വദേശി-വിദേശി തീർഥാടകർക്ക് ഒരുപോലെ ബുദ്ധിമുട്ടുകളില്ലാത്ത സു​ഗമമായ തീർഥാടനം ഒരുക്കാൻ സാധിക്കും. 

The General Authority introduces a 3D interactive map linked with Nusuk cards to ease navigation, track real-time weather, and provide route updates for Hajj and Umrah pilgrims in Makkah and Madinah under Saudi Vision 2030.