കൊല്ലം: 500 രൂപ മോഷ്ടിച്ചെന്ന് ആരോപിച്ച് 12 വയസുകാരനെ തലകീഴായി കെട്ടിത്തൂക്കി മര്‍ദ്ദിച്ചെന്ന പരാതിയില്‍ മനുഷ്യാവകാശ കമ്മിഷന്‍ കേസെടുത്ത് അന്വേഷണത്തിന് ഉത്തരവിട്ടു. കൊല്ലം റൂറല്‍ ജില്ലാ പൊലിസ് മേധാവിക്കാണ് കമ്മിഷന്‍ അംഗം വി. ഗീത നിര്‍ദേശം നല്‍കിയത്. ഏഴു ദിവസത്തിനകം റിപ്പോര്‍ട്ട് സമര്‍പ്പിക്കണം. 

പിറവന്തൂര്‍ വെട്ടിത്തിട്ട ലിവിങ് വാട്ടര്‍ ഇന്‍സ്റ്റിറ്റ്യൂട്ട് ഓഫ് തിയോളജിയിലാണ് (ബോയ്സ് ഹോം) സംഭവം നടന്നത്. അടൂര്‍ സ്വദേശികളാണ് കുട്ടികള്‍. ഇവരുടെ അമ്മ സുഖമില്ലാതെ കിടക്കുകയാണ്. തുടര്‍ന്നാണ് നാലു മക്കളില്‍ രണ്ടു പേരെ ഇവിടെ താമസിപ്പിച്ചത്. പണം എടുത്തിട്ടില്ലെന്ന് പറഞ്ഞിട്ടും കയര്‍ ഉപയോഗിച്ച് കാലില്‍ കെട്ടി ഉയര്‍ത്തിയശേഷം കൊല്ലും എന്ന് പാചകക്കാരന്‍ പറഞ്ഞതായി മര്‍ദനമേറ്റ കുട്ടി പറഞ്ഞു. മര്‍ദിച്ചയാള്‍ മദ്യപിച്ചിരുന്നതായി കുട്ടി പറഞ്ഞു. ബോയ്സ് ഹോം പാചകക്കാരന്‍ അടക്കം രണ്ടു പേര്‍ അറസ്റ്റിലായി. 

പത്രവാര്‍ത്തയുടെ അടിസ്ഥാനത്തില്‍ പൊതു പ്രവര്‍ത്തകന്‍ അഡ്വ. വി. ദേവദാസ് സമര്‍പ്പിച്ച പരാതിയിലാണ് നടപടി.

The Kerala State Human Rights Commission has registered a case following an incident in Kollam where a 12-year-old boy was allegedly tied up and assaulted over accusations of stealing ₹500. The incident sparked widespread concern over child rights violations and mob justice.