മാവൂര്‍: റെയ്ഞ്ച് ജംഇയ്യത്തുല്‍ മുഅല്ലിമീന്‍ 40-ാം വാര്‍ഷിക സമ്മേളനത്തിന്റെ പ്രഖ്യാപനം 25ന് പെരുവയല്‍ സെന്റ് സേവ്യേഴ്‌സ് സ്‌കൂള്‍ ഗ്രൗണ്ടില്‍ സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും. സത്താര്‍ പന്തല്ലൂര്‍, ആബിദ് ഹുദവി തച്ചണ്ണ പ്രഭാഷണം നടത്തും.
മാവൂര്‍ പാറമ്മല്‍ മുഹിമ്മാത്തുല്‍ മുസ്‌ലിമീന്‍ മദ്‌റസയില്‍ നടന്ന വാര്‍ഷികാഘോഷ കര്‍മപദ്ധതി ശില്‍പശാല അഷ്‌റഫ് റഹ്മാനി കല്‍പള്ളി ഉദ്ഘാടനം ചെയ്തു. റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് കെ. മുഹമ്മദ് ബാഖവി അധ്യക്ഷനായി. ജനറല്‍ സെക്രട്ടറി റശീദ് ഫൈസി വെള്ളായിക്കോട് കര്‍മപദ്ധതി അവതരിപ്പിച്ചു.
ട്രഷറര്‍ ചിറ്റടി അഹമ്മദ് കുട്ടി ഹാജി, കോയ മുസ്‌ലിയാര്‍, അഷ്‌റഫ് റഹ്മാനി, അഹമ്മദ് കുട്ടി മുസ്‌ലിയാര്‍ പെരുവയല്‍, മമ്മദ് മാസ്റ്റര്‍, യൂനുസ് ഹുദവി, കെ.എം.എ റഹ്മാന്‍, റഊഫ് മുസ്‌ലിയാര്‍, ജഅ്ഫര്‍ മാവൂര്‍, അഷ്‌റഫ് ഫൈസി തെങ്ങിലക്കടവ്, റഹീം മുസ്‌ലിയാര്‍ പാറമ്മല്‍ സംസാരിച്ചു.