കൊല്ലം: കടയ്ക്കലില്‍ അര്‍ബുദ രോഗബാധിതയായ തൊണ്ണൂറുകാരിയെ പീഡിപ്പിച്ചെന്ന കേസില്‍ അയല്‍വാസിയായ പ്രതിയെ റിമാന്‍ഡ് ചെയ്തു. വെള്ളാര്‍വട്ടം കാറ്റാടിമുക്ക് കൃഷ്ണവിലാസത്തില്‍ വിജയകുമാറി (ബാബു-62) നെയാണ് റിമാന്‍ഡ് ചെയ്തത്. ലൈംഗിക പീഡനശ്രമത്തിനും വീട്ടില്‍ അതിക്രമിച്ചു കടന്നതിനുമാണ് ഇയാക്കെതിരേ കേസ് രജിസ്റ്റര്‍ ചെയ്തിരിക്കുന്നത്. ഇന്നലെ കോടതിയില്‍ ഹാജരാക്കിയ വിജയകുമാറിനെ 14 ദിവസത്തേക്കാണ് റിമാന്‍ഡു ചെയ്തത്. വയോധികയുടെ രഹസ്യമൊഴിയും മജിസ്‌ട്രേറ്റ് രേഖപ്പെടുത്തി.
തിരുവോണദിവസം രാത്രിയിലാണു വിജയകുമാര്‍ മദ്യലഹരിയില്‍ തൊണ്ണൂറുകാരിയെ ഉപദ്രവിച്ചത്.