തിരുവനന്തപുരം: ബാലരാമപുരത്തും പൂവാറിലും ബൈക്കിലെത്തിയ രണ്ടംഗസംഘം  സ്ത്രീകളുടെ മാല പൊട്ടിച്ച് കടന്നു.
ബാലരാമപുരത്ത് നെല്ലിവിള തോട്ടത്ത് വിളാകം അര്‍ച്ചന കോട്ടേജില്‍ മേഘയുടെ (34) അഞ്ചുപവന്‍ തൂക്കം വരുന്ന മാലയാണ് ബൈക്കിലെത്തിയ സംഘം തട്ടിയെടുത്തത്. പളളിയില്‍ നിന്നും മടങ്ങുന്ന വഴി ആര്‍.സി തെരുവിനു സമീപത്തുവച്ചായിരുന്നു സംഭവം. ബാലരാമപുരം പൊലിസ്  കേസെടുത്ത് അന്വേഷണം ആരംഭിച്ചു. പൂവാറില്‍ അരുമാനൂര്‍ പ്ലാവുനിന്നവിള വീട്ടില്‍ നേശമ്മയുടെ മകള്‍ ലില്ലിയുടെ (56) ഒന്നര പവന്‍ തൂക്കം വരുന്ന മാലയാണ് കവര്‍ന്നത്.
കഴിഞ്ഞദിവസം ഉച്ചയ്ക്ക് 2.50 ന് പൂവാര്‍ ജങ്ഷനു സമീപം പയന്തി എന്ന സ്ഥലത്തു വെച്ചായിരുന്നു സംഭവം. പുവാര്‍  പൊലിസ് കേസെടുത്ത് അന്വേഷണം ആരംഭിച്ചു.