കാരന്തൂര്‍: മെഡിക്കല്‍ കോളജ്-കാരന്തൂര്‍ റോഡിന്റെ ശോച്യാവസ്ഥയ്‌ക്കെതിരേ ചെലവൂര്‍ മേഖലാ യൂത്ത്‌ലീഗ് ധര്‍ണ നടത്തി. വയനാട്-മെഡിക്കല്‍ കോളജ് റോഡുകളെ ബന്ധിപ്പിക്കുന്ന ഇവിടെ വര്‍ഷങ്ങളായി അറ്റകുറ്റ പണികള്‍ നടക്കുന്നില്ലെന്ന് ആരോപിച്ചാണു ധര്‍ണ. നിത്യേന ആയിരക്കണക്കിനു രോഗികളാണ് ഇതുവഴി സഞ്ചരിക്കാന്‍ പ്രയാസപ്പെടുന്നതെന്നും കഴിഞ്ഞ പത്തു വര്‍ഷക്കാലമായി സ്ഥലത്തെ എം.എല്‍.എമാര്‍ ഈ ഭാഗത്തേക്കു തിരിഞ്ഞു നോക്കുന്നില്ലെന്നും നേതാക്കള്‍ ആരോപിച്ചു.
ധര്‍ണ ആശിഖ് ചെലവൂര്‍ ഉദ്ഘാടനം ചെയ്തു. ഷൗക്കത്ത് വിരുപ്പില്‍ അധ്യക്ഷനായി. കെ.കെ നവാസ് മൂഴിക്കല്‍, മുഹമ്മദ് മുണ്ടിക്കല്‍താഴം, ഷജീര്‍ അഹമ്മദ്, സാബിത്ത് മായനാട്, കെ.പി റാഷിദ്, റഹീം പള്ളിത്താഴം, ഫിറോസ് കോട്ടാപറമ്പ് പങ്കെടുത്തു.