റിയാദ് : സഊദി ജവാസാത്ത് (പാസ്‌പോര്‍ട്) വിഭാഗത്തിന്റെ തലസ്ഥാന നഗരിയിലെ ആസ്ഥാനത്ത് വന്‍ തീപിടിത്തം . ഞായറാഴ്ച ഉച്ചയോടെയാണ് തീപിടുത്തം ശ്രദ്ധയില്‍പ്പെട്ടത്. നിരവധി പ്രധാന ഫയലുകള്‍ നശിച്ചു. തീപിടിച്ച ഉടനെ ആളുകളെ ഒഴിപ്പിച്ചതിനാല്‍ വന്‍ ദുരന്തം ഒഴിവായി.
സഊദി സിവില്‍ ഡിഫന്‍സ് സേനയും റെഡ് ക്രസന്റും രക്ഷാ പ്രവര്‍ത്തനത്തിന് നേതൃത്വം നല്‍കി.
എ.സി യൂനിറ്റില്‍ നിന്നും ഷോര്‍ട് സര്‍ക്യൂട്ട് മൂലമാണ് തീപിടുത്തം ഉണ്ടായതെന്നാണ് പ്രാഥമിക നിഗമനമെന്ന് റിയാദ് പാസ്‌പോര്‍ട്ട് വിഭാഗം മാധ്യമ പ്രതിനിധി സഊദ് അല്‍ റഷൂദ് വ്യക്തമാക്കി.
ഓഡിറ്റര്‍മാരും ഉദ്യോഗസ്ഥരുമടങ്ങുന്ന സംഘത്തെ ഉടനടി കെട്ടിടത്തില്‍ നിന്നും പുറത്തിറക്കാനായതിനാല്‍ ആളപായം ഉണ്ടാകാതെ തീ നിയന്ത്രണ വിധേയമാക്കാന്‍ കഴിഞ്ഞതായി അദ്ദേഹം പറഞ്ഞു.