ആലപ്പുഴ: സര്‍ക്കാര്‍ ഉത്തരവ് പ്രകാരം തീരസുരക്ഷയുമായി ബന്ധപ്പെട്ട് കേരള തീരത്ത് പ്രവര്‍ത്തിക്കുന്നതും ഫിഷറീസ് വകുപ്പില്‍ രജിസ്റ്റര്‍ ചെയ്തിട്ടുള്ളതുമായ എല്ലാ മത്സ്യബന്ധന ബോട്ടുകളും സര്‍ക്കാര്‍ നിര്‍ദ്ദേശപ്രകാരമുള്ള കളര്‍ കോഡിങ് നടപ്പാക്കണം. ഇതനുസരിച്ച് ബോട്ടുകളുടെ വീല്‍ഹൗസിന് ഓറഞ്ച് നിറവും ഹള്ളിന് ഡാര്‍ക്ക് ബ്ലൂ നിറവുമാണ് നല്‍കേണ്ടത്. സെപ്റ്റംബര്‍ 30നകം കളര്‍ കോഡിങ് നടപ്പാക്കാത്തപക്ഷം നിയമം ലംഘിക്കുന്ന എല്ലാ മത്സ്യബന്ധനയാനങ്ങള്‍ക്കുമെതിരെ കര്‍ശന നടപടി സ്വീകരിക്കുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.