കോത്തഗിരി: നീലഗിരി ജില്ലയിലെ കോത്തഗിരി ഒംനഗര്‍ നിവാസികള്‍ വോട്ട് ബഹിഷ്‌കരിക്കാനൊരുങ്ങുന്നു. 40 വര്‍ഷമായി അടിസ്ഥാന സൗകര്യങ്ങളായ റോഡ്, തെരുവു വിളക്ക്, കുടിവെള്ളം, റേഷന്‍കട, ഫുട്പാത്ത് തുടങ്ങിയ സൗകര്യങ്ങളൊന്നുമില്ലാതെ 100ല്‍ പരം കുടുംബം ഇവിടെ ദുരിതമനുഭവിക്കുകയാണ്. മാറിവരുന്ന പഞ്ചായത്ത് ഭരണ സമിതിയോടും ജില്ലാ കലക്ടറടക്കം പലരോടും പരാതി പറഞ്ഞിട്ടും പരിഹാരമില്ലാത്തതിനാലാണ് ഈ വരുന്ന പഞ്ചായത്ത് തെരഞ്ഞെടുപ്പ് ബഹിഷ്‌കരിക്കാന്‍ നാട്ടുകാര്‍ തീരുമാനിച്ചത്.