ജയ്‌സാല്‍മീര്‍ (രാജസ്ഥാന്‍): ഇന്ത്യന്‍ വ്യോമസേനയുടെ  ജാഗ്വര്‍ പരിശീലന യുദ്ധവിമാനം പൊഖ്‌റാനില്‍ തകര്‍ന്നു വീണു. വിമാനത്തിലുണ്ടായിരുന്ന രണ്ടു പൈലറ്റുമാരും അത്ഭുതകരമായി രക്ഷപ്പെട്ടു.

ഉച്ചയ്ക്ക് 1.45 നാണ് വിമാനം തകര്‍ന്നുവീണത്. പറന്നുയര്‍ന്ന ഉടന്‍ തകര്‍ന്നു വീഴുകയായിരുന്നു.

ഈ മാസം ഇതു രണ്ടാം തവണയാണ് ജാഗ്വര്‍ യുദ്ധവിമാനം തകര്‍ന്നുവീഴുന്നത്. കഴിഞ്ഞ 13ന് ഹരിയാനയിലെ അംബാലയില്‍ വിമാനം തകര്‍ന്നുവീണിരുന്നു.

കഴിഞ്ഞ വര്‍ഷം ജൂണില്‍  ഉത്തര്‍പ്രദേശിലെ അലഹബാദിനു സമീപത്തും ജ്വാഗര്‍ യുദ്ധവിമാനം തകര്‍ന്നു വീണിരുന്നു. വിമാനത്തിലുണ്ടായിരുന്ന പൈലറ്റുമാര്‍ തലനാരിഴയ്ക്കാണ് രക്ഷപ്പെട്ടത്.