തിരുവനന്തപുരം: സംസ്ഥാനത്തെ മികച്ച കര്‍ഷകര്‍ക്കും കാര്‍ഷികരംഗത്തു മികവു തെളിയിച്ചവര്‍ക്കുമായി കേരള കര്‍ഷക പെന്‍ഷനേഴ്‌സ് സെന്റര്‍ ഏര്‍പ്പെടുത്തിയ അവാര്‍ഡുകള്‍ പ്രഖ്യാപിച്ചു.
മികച്ച കര്‍ഷകനായി സംഘമൈത്രി ചെയര്‍മാന്‍ ആര്‍.ബാലചന്ദ്രന്‍നായരേയും ക്ഷീരകര്‍ഷകനായി കെ.ആര്‍. മോഹനചന്ദ്രനേയും തിരഞ്ഞെടുത്തു. കൃഷി സംബന്ധമായ രചനക്കുള്ള കര്‍ഷകമിത്രം അവാര്‍ഡ് സുരേഷ് മുതുകുളത്തിനും മാധ്യമ പുരസ്‌കാരം അഷ്ടമുടി രവികുമാറിനും നല്‍കും.
ഈ മാസം 21നു കൊല്ലത്തു നടക്കുന്ന സമ്മേളനത്തില്‍ സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ അവാര്‍ഡുകള്‍ വിതരണം ചെയ്യുമെന്നു സംസ്ഥാന സെക്രട്ടറി കെ.പി. ജനാര്‍ദനന്‍നായര്‍ വാര്‍ത്താസമ്മേളനത്തില്‍ അറിയിച്ചു. വര്‍ക്കിങ് പ്രസിഡന്റ് എളമന ഹരിദാസ്, ട്രഷറര്‍ പി.കെ.രാഘവന്‍ എന്നിവരും പങ്കെടുത്തു.