കുപ്പാടിത്തറ: കുറുമണി-മണ്ണാര്‍കുന്ന് പുഴക്ക് കുറുകെയുള്ള പാലത്തിന്റെ നിര്‍മാണം ആരംഭിക്കണമെന്ന് സി.പി.ഐ (എം) ബ്രാഞ്ച് കമ്മിറ്റി യോഗം ആവശ്യപ്പെട്ടു. 2008ല്‍ ജില്ലാ പഞ്ചായത്ത് മുഖേന എസ്റ്റിമേറ്റെടുക്കുകയും നബാര്‍ഡിന്റെയും ത്രിതല പഞ്ചായത്തുകളുടെയും സംയുക്താഭിമുഖ്യത്തില്‍ നിര്‍മിക്കാന്‍ തീരുമാനിക്കുകയും ചെയ്ത പാലത്തിന്റെ നിര്‍മാണം ഇതുവരെ തുടങ്ങിയിട്ടില്ല.
കഴിഞ്ഞ വര്‍ഷം ഇവിടെ താല്‍ക്കാലികമായി നിര്‍മിച്ച മരപ്പാലം തകര്‍ന്ന് സണ്‍ഡേ സ്‌കൂളില്‍ നിന്നും മടങ്ങി വരുന്ന വിദ്യാര്‍ഥികള്‍ അപകടത്തില്‍പെട്ടിരുന്നു. കെ.വി ബാബു അധ്യക്ഷനായി. ബ്രാഞ്ച് സെക്രട്ടറി എം.സി ഇബ്‌റാഹീം റിപ്പോര്‍ട്ടവതരപ്പിച്ചു. പി.ജി സജേഷ്, എം.ജി സതീഷ് കുമാര്‍, ജിജി ജോസഫ് സംസാരിച്ചു.