വെള്ളറട: കെ.എസ്.ആര്‍.ടി.സി ബസിനു പുറകില്‍ സമാന്തര വാനിടിച്ചുണ്ടായ അപകടത്തില്‍ സമാന്തരവാനിലെ യാത്രക്കാരിക്ക് ഗുരുതരമായി പരുക്കേറ്റു. നെല്ലിശേരി റോഡരികത്ത് വീട്ടില്‍ ലീല(65)യ്ക്കാണ് പരുക്കേറ്റത്. ഇവരെ വെള്ളറട സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ പനച്ചമൂട് പഞ്ചായത്ത് ഓഫീസിന് മുന്നിലായിരുന്നു അപകടം. പഞ്ചായത്ത് ഓഫീസിന് മുന്നില്‍ ആളെ ഇറക്കുകയായിരുന്ന കെ.എസ്.ആര്‍.ടി.സി ബസിനു പിന്നില്‍ വെള്ളറട നിന്ന് കാരക്കോണത്തേക്ക് പോവുകയായിരുന്നു സമാന്തരവാനിടിക്കുകയായിരുന്നു. സമാന്തര വാനിന്റെ മുന്‍വശം തകര്‍ന്നു.