മാനന്തവാടി: ജില്ലാ സി.ബി.എസ്.ഇ കലോത്സവത്തിന് മാനന്തവാടി ഹില്‍ ബ്ലൂംസ് സ്‌കൂളില്‍ തുടക്കമായി. ജില്ലയിലെ 26 സി.ബി.എസ്.ഇ സ്‌കൂളുകളില്‍ നിന്ന് ആയിരത്തിലധികം മത്സരാര്‍ഥികള്‍ പങ്കെടുക്കും.
സി.ബി.എസ്.ഇ കലോല്‍സവ് 2016 ഒന്നാം ഘട്ടം മാനന്തവാടി ഹില്‍ ബ്ലൂംസ് സ്‌കൂളില്‍ സി.ബി.എസ്.ഇ മാനേജ്‌മെന്റ് അസോസിയേഷന്‍ പ്രസിഡന്റ് വി.ജി സുരേന്ദ്രനാഥ് ഉദ്ഘാടനം ചെയ്തു.
ചടങ്ങില്‍ വയനാട് സഹോദയ പ്രസിഡന്റ് വര്‍ഗീസ് വൈദ്യന്‍ അധ്യക്ഷനായി. ഹില്‍ബ്ലൂംസ്  പ്രിന്‍സിപ്പല്‍ സീറ്റ ജോസ് സ്വാഗതവും ബത്തേരി ഗ്രീന്‍ഹില്‍സ് സ്‌കൂള്‍ പ്രിന്‍സിപ്പല്‍ കെ.വി ജോര്‍ജ്  നന്ദിയും പറഞ്ഞു.