എടപ്പാള്‍: മേഖലയിലെ പല ബൂത്തുകളിലും വോട്ടര്‍പട്ടികയില്‍ നിന്നു വ്യാപകമായി പേര് നീക്കം ചെയ്തതായി പരാതി. കഴിഞ്ഞദിവസം പോളിങ്ങ് ബൂത്തുകളില്‍ നടന്ന പരിശോധനയിലാണ് പേരുകള്‍ നീക്കം ചെയ്തതായി കണ്ടെണ്ടത്തിയത്.
തവനൂര്‍ നിയോജകമണ്ഡലത്തിലെ ശുകപുരം പൂക്കരത്തറ, അയിലക്കാട് ബൂത്തുകളില്‍ ബി.എല്‍.ഒമാരുടെ നേതൃത്വത്തില്‍ വ്യാപകമായി പേര് നീക്കം ചെയ്തതായി ആരോപിച്ചാണ് മുസ്‌ലിംലീഗ് പൊന്നാനി താലൂക്ക് ഇലക്ഷന്‍ രജിസ്‌ട്രേഷന്‍ ഓഫിസര്‍ക്ക് പരാതി നല്‍കിയത്. അന്യായ കാരണങ്ങള്‍ ഉന്നയിച്ചും വീട്ടുകാരെ തെറ്റിധരിപ്പിച്ച് സ്ഥലത്തില്ലെന്ന് രേഖാമൂലം എഴുതിവാങ്ങിയും പേരുകള്‍ നീക്കം ചെയ്തിട്ടുണ്ടണ്ട്. നീക്കം ചെയ്തവര്‍ക്ക് മറ്റെവിടെയും വോട്ടില്ലാത്തതാണ്  പരാതി രൂക്ഷമാക്കിയത്.
പരാതിക്ക് ഉടന്‍ പരിഹാരം കണ്ടണ്ടില്ലെങ്കില്‍ ഉയര്‍ന്ന ഉദ്യോഗസ്ഥര്‍ക്ക് പരാതി നല്‍കുമെന്ന് മുസ്‌ലിംലീഗ് സെക്രട്ടറി ഇബ്രാഹിം മൂതൂര്‍ അറിയിച്ചു.