ന്യൂഡല്‍ഹി: സുരക്ഷാ പ്രശ്‌നങ്ങളെ തുടര്‍ന്ന് ലക്ഷക്കണക്കിന് എ.ടി.എം കാര്‍ഡുകള്‍ ബാങ്കുകള്‍ ബ്ലോക്ക് ചെയ്തു.

സ്‌റ്റേറ്റ് ബാങ്ക് ഓഫ് ഇന്ത്യ, എച്ച്.ഡി.എഫ്.സി, ഐ.സി.ഐ.സി.ഐ, യെസ് ബാങ്ക്, ആക്‌സിസ് ബാങ്ക് എന്നീ ബാങ്കുകളാണ് സുരക്ഷാ പ്രശ്‌നങ്ങള്‍ കാരണം എ.ടി.എം കാര്‍ഡുകള്‍ ബ്ലോക്ക് ചെയ്തത്.

എ.ടി.എം വിവരങ്ങള്‍ ചോരുന്നത് ശ്രദ്ധയില്‍പെട്ടതിനെ തുടര്‍ന്ന് ഉപഭോക്താക്കളോട് കാര്‍ഡുകള്‍ മാറ്റാനോ അല്ലെങ്കില്‍ സെക്യൂരിറ്റി കോഡ് മാറ്റാനോ ബാങ്കുകള്‍ ആവശ്യപ്പെട്ടിരുന്നു.

എന്നാല്‍ ബാങ്കുകളുടെ ഈ അഭ്യര്‍ഥന ഉള്‍ക്കൊള്ളാത്ത ഉപഭോക്താക്കളുടെ എ.ടി.എം കാര്‍ഡുകളാണ് ബ്ലോക്ക് ചെയ്തത്.

വിവരങ്ങള്‍ ചോരുന്ന തരത്തിലുള്ള വൈറസ് ബധിത എ.ടി.എം മെഷിനുകളില്‍ ഉപയോഗിച്ച കാര്‍ഡുകളാണ് റദ്ദാക്കിയതെന്ന് എസ്.ബി.ഐ അറിയിച്ചിട്ടുണ്ട്.

ബങ്കുകളുടെ മുന്നറിയിപ്പ് ഉപഭോക്താക്കള്‍ പരിഗണിക്കാത്തതാണ് നഷ്ടം സഹിച്ചും ഇത്തരം ഒരു നടപടികളിലേക്ക് ബാങ്കുകള്‍ നീങ്ങിയത്.