കോഴിക്കോട്: സര്‍ക്കാരിന്റെ നേതൃത്വത്തില്‍ എല്ലാ ജില്ലകളിലും തെരുവ് നായ്ക്കള്‍ക്കായി പാര്‍ക്കുകള്‍ നിര്‍മിക്കണമെന്ന് ബോബി ചെമ്മണ്ണൂര്‍ വാര്‍ത്താ സമ്മേളനത്തില്‍ പറഞ്ഞു.
ഇത്തരം പാര്‍ക്കുകള്‍ നിര്‍മിക്കുകയാണെങ്കില്‍ ബോബി ഫാന്‍സ് ക്‌ളബിന്റെയും മറ്റ് സംഘടനകളുടെയും നേതൃത്വത്തില്‍ സൗജന്യമായി നായ്ക്കളെ പിടിച്ചെത്തിക്കാന്‍ തയാറാണ്്.
തെരുവ് നായ്ക്കളുടെ ആക്രമണത്തില്‍ നിന്നും കേരളത്തെ വിമുക്തമാക്കുകയാണ് തങ്ങളുടെ ലക്ഷ്യം. പിടികൂടിയ നായ്ക്കളെ വയനാട്ടിലുള്ള തന്റെ 10 ഏക്കര്‍ ഭൂമിയില്‍ സംരക്ഷിക്കുന്നതിന് ജനങ്ങള്‍ എതിര്‍പ്പു പ്രകടിപ്പിച്ചിട്ടുണ്ട്.
പിടിക്കുന്ന നായ്ക്കളെ സ്വന്തം ഭൂമിയില്‍ വളര്‍ത്താന്‍ അനുവദിക്കണമെന്ന് ആവശ്യപ്പെട്ട് ഹൈക്കോടതിയെ സമീപിച്ചതായും ബോബി ചെമ്മണ്ണൂര്‍ കൂട്ടിച്ചേര്‍ത്തു.