വല്ലപ്പുഴ: വടക്കാഞ്ചേരി, വെട്ടിക്കാട്ടിരി സ്റ്റേഷനുകള്‍ക്കിടയിലെ പാലത്തില്‍ അറ്റകുറ്റപ്പണി നടക്കുന്നതിനാല്‍ നിലമ്പൂര്‍ ഷൊര്‍ണൂര്‍ പാതയിലും സര്‍വീസുകള്‍ക്ക് നവംബര്‍ മൂന്നു മുതല്‍ 13 വരെ സമയമാറ്റമുണ്ടവുമെന്ന് റെയില്‍വേ അറിയിച്ചു. നിശ്ചിത കാലയളവില്‍ രാവിലെ 6.10 ന് ഷൊര്‍ണൂരില്‍ നിന്നും പുറപ്പെടേണ്ട തിരുവനന്തപുരം-നിലമ്പൂര്‍ രാജ്യറാണി എക്‌സ്പ്രസ് 8.40 ന് ഷൊര്‍ണൂരില്‍ നിന്നും പുറപ്പെടും. 9.20 ന് ഷൊര്‍ണൂരില്‍ നിന്നും പുറപ്പെടുന്ന 56613 ഷൊര്‍ണൂര്‍-നിലമ്പൂര്‍ റോഡ് പാസഞ്ചര്‍ 45 മിനുട്ട് വൈകി നിലമ്പൂരിലെത്തും. 11.20 ന് നിലമ്പൂരില്‍ നിന്നും പുറപ്പെടേണ്ട 56616 നമ്പര്‍ പാസഞ്ചറും 45 മിനുട്ട് വൈകി പുറപ്പെട്ട് ഒരു മണിക്കൂര്‍ വൈകി ഷൊര്‍ണൂരിലെത്തും. ഈ പാതയിലെ മറ്റു വണ്ടികളും 20 മുതല്‍ 55 മിനുട്ട് വരെ വൈകാന്‍ സാധ്യതയുണ്ട്.