കരുനാഗപ്പള്ളി: നഗരത്തിന്റെ ഹൃദയഭാഗത്ത് സാംസ്‌ക്കാരിക പ്രവര്‍ത്തനങ്ങള്‍ നടത്തുന്നതിനായി പൊതുസമൂഹത്തിന് സി.എസ്.സുബ്രഹ്മണ്യന്‍പോറ്റി സംഭാവന ചെയ്ത ടൗണ്‍ ക്ലബ്ബ് സാംസ്‌ക്കാരിക വകുപ്പ് ഏറ്റെടുത്ത് സി.എസിന്റെ സ്മാരകമാക്കി മാറ്റണമെന്ന് സി.എസ് സുബ്രഹ്മണ്യന്‍പോറ്റി സാംസ്‌ക്കാരിക സമിതി ആവശ്യപ്പെട്ടു.
ഈ ആവശ്യം ഉന്നയിച്ച് മുഖ്യമന്ത്രി, സാംസ്‌ക്കാരികമന്ത്രി, ജില്ലാ കലക്ടര്‍ എന്നിവര്‍ക്ക് നിവേദനം നല്‍കാന്‍ യോഗം തീരുമാനിച്ചു. വൈസ് പ്രസിഡന്റ് ഡി.മുരളീധരന്‍ അധ്യക്ഷനായി. പ്രസിഡന്റ് നാടിയന്‍പറമ്പില്‍ മൈതീന്‍കുഞ്ഞ് ഉദ്ഘാടനം ചെയ്തു. ജനറല്‍ സെക്രട്ടറി മുനമ്പത്ത് ഷിഹാബ്, ഭാരവാഹികളായ ചന്ദ്രിക കുഞ്ഞമ്മ, കുന്നേല്‍ രാജേന്ദ്രന്‍, തെക്കടത്ത് ഷാഹുല്‍ ഹമീദ്, റ്റി.കെ.സദാശിവന്‍, പതിയില്‍ പുഷ്പാംഗദന്‍, ശാരദ ടീച്ചര്‍ എന്നിവര്‍ സംസാരിച്ചു.