ജിദ്ദ: റിയാദിന് സമീപമുള്ള സഊദി അറാംക്കോ എണ്ണ ശുദ്ധീകരണ ശാലയില്‍ തീപിടുതത്തില്‍ പരിക്കേറ്റ രണ്ടു ജീവനക്കാര്‍ മരിച്ചു. പത്തിലധികം പേര്‍ക്ക് അപകടത്തില്‍ പരിക്കേറ്റിരുന്നു. ഇവര്‍ റിയാദിലെ വിവിധ ആശുപത്രികളില്‍ ചികിത്സയിലാണ്.

പ്രാഥമിക വിവരങ്ങള്‍ പ്രകാരം, എണ്ണ ശുദ്ധീകരണ ശാലയിലെ ടാങ്കിനുള്ളിലുണ്ടായ സ്‌ഫോടനമാണ് തീപിടുത്തത്തിന് കാരണം. അതേ സമയം അപകടം സംബന്ധിച്ച് വിവരങ്ങള്‍ക്ക് കമ്പനിയിലെ ഉയര്ന്ന ഉദ്യോഗസ്ഥര്‍ സ്ഥലത്തെത്തി പരിശോധന തുടങ്ങി

. കഴിഞ്ഞ സെപ്തംബറില്‍  സഊദി അറാംക്കോയുടെ റാസ് തനൂറയിലെ എണ്ണ ടെര്‍മിനലിലും തീപിടുത്തം നടന്നിരുന്നു. തീപിടുത്തത്തില്‍ രണ്ട് അറാംക്കോയുടെ ജീവനക്കാരുള്‍പ്പെടെ എട്ട് പേര്‍ക്ക് പരിക്കേറ്റിരുന്നു.