കൊമ്മേരി: കഴിഞ്ഞദിവസം മരിച്ച പി.വി ഹൗസില്‍ സി. അബ്ദുല്ലക്കോയ ഹാജിയുടെ വിയോഗം നാടിന്റെ നൊമ്പരമായി.
മത-സാമൂഹിക നേതൃസ്ഥാനങ്ങളില്‍  നിറസാന്നിധ്യമായിരുന്ന സി. അബ്ദുല്ലക്കോയ ഹാജിയുടെ വിയോഗം വലിയ വിടവാണ് സൃഷ്ടിച്ചത്. ഈസ്റ്റ് കൊമ്മേരി മഹല്ല്  ദീര്‍ഘകാല പ്രസിഡന്റ്, ഹയാത്തുല്‍ ഇസ്‌ലാം മദ്‌റസ സ്ഥാപക കമ്മിറ്റിയംഗം,  മര്‍ഹൂമ മറിയം കുടിവെള്ള പദ്ധതി, പുല്‍പറമ്പില്‍ കുടിവെള്ള പദ്ധതി  എന്നിവയുടെ രക്ഷാധികാരി, ഇമേജ് ഇംഗ്ലീഷ് മീഡിയം ആന്‍ഡ് മദ്‌റസ  ചെയര്‍മാന്‍ തുടങ്ങിയ സ്ഥാനങ്ങള്‍ വഹിച്ചിരുന്നു.ഭാര്യ: ഉമ്മു ഹബീബ. മക്കള്‍: അബ്ദുല്‍ ഷബീര്‍, അബ്ദുല്‍ അമീര്‍ (എ.കെ ഇലക്‌ട്രോണിക്‌സ്,  മാവൂര്‍ റോഡ്), സമിയത്ത്, സജിനത്ത്, ഡോ. സഫിനത്ത് (മുക്കം ഹെല്‍ത്ത് സെന്റര്‍).  മരുമക്കള്‍: അബ്ദുല്‍ ബഷീര്‍, അബ്ദുല്‍ ഗഫൂര്‍, നൗഫല്‍, നസീറ, റജീന. പരേതന്റെ  നിര്യാണത്തില്‍ പൗരാവലിയുടെ അനുശോചന സംഗമവും പ്രാര്‍ഥനാ സദസും  നടന്നു. വിവിധ രാഷ്ട്രീയ, മത, സാംസ്‌കാരിക നേതാക്കള്‍ സംബന്ധിച്ചു.