കൊച്ചി: സ്ത്രീകളെ അപമാനിച്ച വ്യത്യസ്ത കേസുകളില്‍ രണ്ടു യുവാക്കളെ അറസ്റ്റ് ചെയ്തു. റോഡിലൂടെ നടന്നു പോവുകയായിരുന്ന യുവതിയെ അപമാനിക്കാന്‍ ശ്രമിച്ചകേസിലാണ് ഒരാള്‍ പിടിയിലായത്. മട്ടാഞ്ചേരി, ബംഗ്ലാവു പറമ്പില്‍ നസുറുദ്ദീന്‍ അലി (26) ആണ് അറസ്റ്റിലായത്. ഫെയിസ്ബുക്കില്‍ അശ്ലീല ചിത്രം പോസ്റ്റ് ചെയ്ത കേസിലാണു രണ്ടാമത്തെ അറസ്റ്റ്.  തിരുവനന്തപുരം, പാറശാല പുത്തന്‍ വീട്ടില്‍ അമര്‍ജിത്താണ് (25) അറസ്റ്റിലായത്.
വീക്ഷണം റോഡിലൂടെ നടന്നുപോയ യുവതിയെ സുറുദ്ദീന്‍ അലി അപമാനിച്ചു. ഇത് ചോദ്യം ചെയ്ത യുവതികളെ ആക്രമിക്കുകയും ഭീഷണിപ്പെടുത്തുകയും ചെയ്തു ഇയാള്‍.  എറണാകുളം സ്വദേശിനിയായ യുവതിയുടെ ഫെയ്‌സ് ബുക്ക് പേജില്‍ അശ്ലീല ചിത്രങ്ങള്‍ പോസ്റ്റ് ചെയ്തതിനാണ് അമര്‍ജിത്ത് പിടിയിലായത്. യുവതിയുടെ ഫെയിസ് ബുക്ക് ഫ്രണ്ടായിരുന്നു അമര്‍ജിത്ത്. യുവതി തന്റെ ഫെയ്‌സ് ബുക്ക് പേജില്‍ ഇട്ട ഒരു പോസ്റ്റിനു കീഴിലാണ് ഇയാള്‍ അശ്ലീല ചിത്രങ്ങളും മറ്റും പോസ്റ്റ് ചെയ്തത്. കൂടാതെ സ്ത്രീകളെ മൊത്തത്തില്‍ അപമാനിക്കുന്ന തരത്തിലുള്ള അഭിപ്രായങ്ങള്‍ പോസ്റ്റ് ചെയ്യുകയും ഇത് ചോദ്യം ചെയ്ത യുവതിയെ ഭീഷണിപ്പെടുത്തുകയും ചെയ്തു.
അമര്‍ജിത്തിനെതിരെ സമാന രീതിയിലുള്ള കേസ് കോഴിക്കോട് ജില്ലയില്‍ രജിസ്റ്റര്‍ ചെയ്തിട്ടുണ്ട്. എറണാകുളം ഏലൂര്‍ സ്റ്റേഷന്‍ പരിധിയിലുള്ള ഒരു സിനിമാ താരത്തിന്റെ ഫെയ്‌സ് ബുക്ക് പേജില്‍ അദ്ദേഹത്തിന്റെ ഭാര്യയുടെ ഫോട്ടോയ്‌ക്കൊപ്പം അശ്ലീല കമന്റ്് അയച്ചതിന് ഇയാല്‍ക്കെതിരേ ഏലൂര്‍ സ്റ്റേഷനിലും കേസ് രജിസ്റ്റര്‍ ചെയ്തിട്ടുണ്ട്. സെന്‍ട്രല്‍ പൊലിസ് സ്റ്റേഷനില്‍ വിവിധ കേസുകളില്‍ ഇയാള്‍ പ്രതിയാണെന്നും പൊലിസ് പറഞ്ഞു. എറണാകുളം അസിസ്റ്റന്റ് കമ്മിഷണര്‍ കെ ലാല്‍ജി, സെന്‍ട്രല്‍ സി.ഐ എ അനന്തലാല്‍, പ്രിന്‍സിപ്പല്‍ എസ്.ഐ എസ് വിജയശങ്കര്‍, എ.എസ്.ഐ ഡി ദീപു, സീനിയര്‍ സിവില്‍ പൊലിസ് ഓഫിസര്‍മാരായ അബ്ദുള്‍ ജലീല്‍, ജോസഫ് ഗോമറിന്‍, ടി.ആര്‍ രാജീവ്, സി.പി.ഒമാരായ എം.കെ സജീവന്‍, ജോബി എന്നിവരാണ് പ്രതികളെ അറസ്റ്റ് ചെയ്തത്. പ്രതികളെ കോടതിയില്‍ ഹാജരാക്കി.