കൊച്ചി: മഹാരാജാസ് കോളജ്്് റിട്ട.പ്രിന്‍സിപ്പല്‍ ഡോ.മേരി മെറ്റില്‍ഡയുടെ, 'ജീവിതം പഠിപ്പിച്ച വിജയമന്ത്രങ്ങള്‍' എന്ന പുസ്തകത്തിന്റെ പ്രകാശനം 10ന് നടക്കും. വൈകിട്ട് അഞ്ചിന് ഇടപ്പള്ളി ചങ്ങമ്പുഴപാര്‍ക്കില്‍ നടക്കുന്ന ചടങ്ങില്‍ പി.ടി തോമസ് എം.എല്‍.എ സിനിമാതാരം ടിനി ടോമിന് നല്‍കി പുസ്തകം പ്രകാശനം ചെയ്യും. മഹാരാജാസ് കോളജിലെ പൂര്‍വ വിദ്യാര്‍ഥി കൂട്ടായ്മയായ സൗഹൃദത്തിന്റെ ആഭിമുഖ്യത്തിലാണ് പ്രകാശന ചടങ്ങ് സംഘടിപ്പിച്ചിരിക്കുന്നത്. ചലച്ചിത്രഗാന രചയിതാവ് ആര്‍.കെ ദാമോദരന്‍ അധ്യക്ഷത വഹിക്കും.
കൊച്ചിന്‍ ഷിപ്പിയാര്‍ഡ് ജനറല്‍ മാനേജര്‍ എം.ഡി വര്‍ഗീസ് പുസ്തകം പരിചയപ്പെടുത്തും. മാലതി മേനോന്‍,ഫാ.ജേക്കബ് നാലുപാറയില്‍,മധു ഭാസ്‌കരന്‍ എന്നിവര്‍ ചടങ്ങില്‍ പങ്കെടുക്കും.
സൗഹൃദം കൂട്ടായ്മ ഭാരവാഹികളായ എം.വി മഹേശ്വരി,മിനി വേണുഗോപാല്‍,ജിനീഷ് ലാല്‍,വിനയചന്ദ്രന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.