കാവനൂര്‍: ഇരിവേറ്റി സി.ച്ച് മുഹമ്മദ് കോയ മെമ്മോറിയല്‍ ഹയര്‍ സെക്കന്‍ഡറി സ്‌കൂളില്‍ ഔഷധത്തോട്ടമൊരുക്കുന്നു. സംസ്ഥാന ഔഷധസസ്യ ബോര്‍ഡിന്റെ ധനസഹായത്തോടെ കോട്ടക്കല്‍ ആര്യവൈദ്യശാല ഔഷധ ഗവേഷണ കേന്ദ്രമാണ് പദ്ധതിക്ക് നേതൃത്വം നല്‍കുന്നത്.
പാലക്കാട്, മലപ്പുറം ജിലകളിലെ തെരഞ്ഞെടുത്ത വിദ്യാലയങ്ങളിലാണ് പദ്ധതി ആദ്യഘട്ടത്തില്‍ നടപ്പിലാക്കുന്നത്. സ്‌കൂള്‍ ജെ.ആര്‍.സി, ഹരിത ക്ലബ് എന്നിവയുടെ നേതൃത്വത്തിലാണ് പദ്ധതി നടപ്പിലാക്കുന്നത്. പദ്ധതിയുടെ ഉദ്ഘാടനം കാവനൂര്‍ ഗ്രാമപഞ്ചായത്ത് പ്രസിഡന്റ് കെ.വിദ്യാവതി നിര്‍വഹിച്ചു.പി.ടി.എ പ്രസിഡന്റ് കെ.സി അഹമ്മദ് കുട്ടി അധ്യക്ഷനായി. പഞ്ചായത്ത് വൈസ് പ്രസിഡന്റ് കെ.അഹമ്മദാജി, വാര്‍ഡ് മെമ്പര്‍മാരായ കെ.ശരീഫ്, കെ നീല കണ്ഠന്‍, എം അബ്ദു റഹിമാന്‍, അസി. കൃഷി ഓഫിസര്‍ അരുണ്‍കുമാര്‍, ബിനു പ്രകാശ്, വി.ഹംസ, കെ.ടി മൊയ്തീന്‍ കുട്ടി മാസ്റ്റര്‍, കെ.ടി ചെറിയ മുഹമ്മദ് മാസ്റ്റര്‍, സൈതലവി മാസ്റ്റര്‍, പ്രദീപ് മാസ്റ്റര്‍ എന്നിവര്‍ സംസാരിച്ചു. ഔഷധ സസ്യ ഗവേഷണ കേന്ദ്രം സീനിയര്‍ സയന്റിസ്റ്റ് ഡോ: പ്രഭുകുമാര്‍, പദ്ധതി വിശദീകരിച്ചു.
മഹേഷ് കുമാര്‍ ക്ലാസെടുത്തു. പ്രിന്‍സിപ്പള്‍ ജോസ് ടി കുരുവിള സ്വാഗതവും കോ.ഓര്‍ഡിനേറ്റര്‍ പ്രമോദ് മാസ്റ്റര്‍ നന്ദിയും പറഞ്ഞു.