വെമ്പായം: മലപ്പുറം മങ്കട ഗ്രാമപ്പഞ്ചായത്തില്‍ നിന്നും ജനപ്രതിനിധികളും കുടുംബശ്രീ അംഗങ്ങളുമുള്‍പ്പെടെയുള്ള മുപ്പതംഗ സംഘം മാണിക്കല്‍ ഗ്രാമപ്പഞ്ചായത്ത് സന്ദര്‍ശിച്ചു.
സഖി വിമന്‍സ് റിസോഴ്‌സ് സെന്റര്‍ എന്ന സംഘടനയുടെ ആഭിമുഖ്യത്തിലായിരുന്നു
സന്ദര്‍ശന പരിപാടി സംഘടിപ്പിച്ചത്.
ജാഗ്രതാസമിതികളുടെ ശക്തിപ്പെടുത്തല്‍, സ്ത്രീ സുരക്ഷാ ഓഡിറ്റ് തുടങ്ങിയ വിവിധ പ്രവര്‍ത്തനങ്ങളുടെ ഭാഗമായി മാണിക്കല്‍ പഞ്ചായത്തില്‍ നടപ്പാക്കിയ പദ്ധതികള്‍ പഠിക്കുകയായിരുന്നു ലക്ഷ്യം.
പഞ്ചായത്ത് പ്രസിഡന്റ് എസ് സുജാത, വൈസ് പ്രസിഡന്റ് കെ ജയന്‍ സെക്രട്ടറി എം പി പ്രമോദ് തുടങ്ങിയവര്‍ സംഘത്തെ സ്വീകരിച്ചു. അംഗങ്ങളായ സദാശിവന്‍ നായര്‍, ശാന്തകുമാരി, ലേഖകുമാരി, അനില, സഹീറത്ത് ബീവി, ലതിക, ബിജുകൃഷ്ണന്‍, നസീര്‍, ശരണ്യ തുടങ്ങിയവര്‍ പങ്കെടുത്തു.