നെടുമങ്ങാട്: വൊക്കേഷണല്‍ ഹയര്‍ സെക്കന്ററി വിദ്യാഭ്യാസ മേഖലയിലെ തൊഴില്‍ നൈപുണ്യ പരിശീലനത്തിന്റെ സാധ്യതകള്‍ പരിചയപ്പെടുത്തിയ വൊക്കേഷണല്‍ 'എക്‌സ്‌പോ ടെക്‌നിക് 2016 വിദ്യാര്‍ഥികളുടെ പങ്കാളിത്തം കൊണ്ട് ശ്രദ്ധേയമായി.
മഞ്ച, നെടുമങ്ങാട് ഗവ. വൊക്കേഷണല്‍ ഹയര്‍ സെക്കന്ററി (ബോയ്‌സ്) സ്‌കൂള്‍ ഓഡിറ്റോറിയത്തില്‍ ടെക്‌നോപാര്‍ക്കിന്റെ പ്രോജക്ട്‌സ് വിഭാഗം ജനറല്‍ മാനേജര്‍ എ.എസ്. രാജു എക്‌സ്‌പോ ഉദ്ഘാടനം ചെയ്തു. വിദ്യാര്‍ഥികള്‍ക്കും നാട്ടുകാര്‍ക്കും സാങ്കേതിക വിദ്യയുടെ അനന്ത സാധ്യതകള്‍ പരിചയപ്പെടാനുള്ള അവസരവും എക്‌സപോ സാധ്യമാക്കി.
ഇലക്ട്രിക്കല്‍ ആന്റ് ഇലക്ട്രോണിക്‌സ് ടെക്‌നോളജി, ഇലക്ട്രോണിക്‌സ് ആന്റ് കമ്യൂണിക്കേഷന്‍ ടെക്‌നോളജി, കംപ്യൂട്ടര്‍ സയന്‍സ് ആന്റ് ഇന്‍ഫര്‍മേഷന്‍ ടെക്‌നോളജി എന്നീ കോഴ്‌സുകളിലെ വിദ്യാര്‍ഥികള്‍ക്കൊപ്പം ആള്‍ ഇന്ത്യ റേഡിയോ,കെ.എസ്.ഇ.ബി,എനര്‍ജി മാനേജ്‌മെന്റ് സെന്റര്‍ എന്നീ പ്രമുഖ സ്ഥാപനങ്ങളും എക്‌സ്‌പോയുടെ ഭാഗമായി.
ഉദ്ഘാടന സമ്മേളനത്തില്‍ പി.ടി.എ പ്രസിഡന്റ് ബി.എസ്. ബൈജു അധ്യക്ഷനായി.സ്‌കൂള്‍ പ്രിന്‍സിപ്പാള്‍ മനു.ഡി.എസ്, ഹെഡ്മാസ്റ്റര്‍ കെ.സിയാദ് , പി.ടി.എ വൈസ് പ്രസിഡന്റ് എം. ജിജീന്ദ്രന്‍, മദര്‍ പി.ടി.എ അംഗം പ്രിയാ രാജു,സ്‌കൂള്‍ ചെയര്‍മാന്‍ അജിത് സത്യന്‍ എന്നിവര്‍ സംസാരിച്ചു. എക്‌സ്‌പോയുടെ കണ്‍വീനര്‍ സെയ്ദ് ഷിയാസ് നന്ദി രേഖപ്പെടുത്തി.