ദുബൈ: ദുബൈയിലെ മറീന പ്രദേശത്തെ റെസിഡന്‍ഷ്യല്‍ കെട്ടിടത്തിലുണ്ടായ അ​ഗ്നിബാധ പൂർണമായും നിയന്ത്രണ വിധേയമാക്കി. ആറ് മണിക്കൂർ നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. ഇന്നലെ വൈകുന്നേരത്തിന് ശേഷമാണ് 67 നില കെട്ടിടത്തില്‍ ആണ് അഗ്ന്ബാധയുണ്ടായത്. ഇതേതുടര്‍ന്ന് കെട്ടിടത്തിലെ താമസക്കാരെ സുരക്ഷിതമായി ഒഴിപ്പിച്ചിരുന്നു. എല്ലാവരുടെയും സുരക്ഷ ഉറപ്പാക്കുന്നതിലും അടുത്തുള്ള കെട്ടിടങ്ങളിലേക്ക് തീ പടരുന്നത് തടയുന്നതിലും ശ്രദ്ധ കേന്ദ്രീകരിച്ചാണ് പ്രവര്‍ത്തനങ്ങള്‍ നടത്തിയതെന്ന് സിവില്‍ ഡിഫന്‍സ് ടീം വ്യക്തമാക്കി.

Dubai Civil Defence teams successfully extinguished the fire within six hours in a 67-storey building in the Marina area, after ensuring the safety of all 3,820 residents.

— Dubai Media Office (@DXBMediaOffice) June 14, 2025

പുലര്‍ച്ചെ 1:30 ഓടെ തീ മന്ദഗതിയിലാകാന്‍ തുടങ്ങിയതായി ദൃക്‌സാക്ഷി പറഞ്ഞു. കഴിഞ്ഞ രണ്ട് മണിക്കൂറായി തീ കത്തിക്കൊണ്ടിരിക്കുകയാണ്. എങ്കിലും തീ പൂര്‍ണമായി അണയ്ക്കാനായില്ല. ധാരാളം അവശിഷ്ടങ്ങള്‍ കത്തിക്കരിഞ്ഞ് വീഴുന്നുണ്ട്- തൊട്ടടുത്ത കെട്ടിടത്തിലെ താമസക്കാരന്‍ പറഞ്ഞു. 

കെട്ടിടത്തിലെ എല്ലാ താമസക്കാരെയും പ്രത്യേക സംഘങ്ങള്‍ വിജയകരമായി ഒഴിപ്പിച്ചതായും അവരുടെ ആരോഗ്യത്തിനും സുരക്ഷയ്ക്കും പ്രവര്‍ത്തനത്തിലുടനീളം മുന്‍ഗണന നല്‍കിയതായും ദുബൈ മീഡിയ ഓഫീസ് പറഞ്ഞു. കെട്ടിടത്തിലെ 764 അപ്പാര്‍ട്ടുമെന്റുകളില്‍ നിന്ന് 3,820 താമസക്കാരെ പ്രത്യേക സംഘങ്ങള്‍ വിജയകരമായി ഒഴിപ്പിച്ചതായും ആര്‍ക്കും പരുക്കേല്‍ക്കാതെ അവരുടെ സുരക്ഷ ഉറപ്പാക്കിയതായും ദുബൈ മീഡിയ ഓഫീസ് പ്രസ്താവനയില്‍ വ്യക്തമാക്കി.

A major fire at a 67-storey residential tower in Dubai Marina has been fully extinguished after a six-hour operation. All residents were safely evacuated when the blaze broke out yesterday evening. Civil Defense teams focused on preventing fire spread to neighboring buildings while ensuring everyone's safety. No casualties reported.