വളാഞ്ചേരി: സ്‌കൂളിന്റെ സീലിങ് അടര്‍ന്ന് വീണ് വിദ്യാര്‍ഥികള്‍ക്ക് നിസാര പരുക്കേറ്റു. വെങ്ങാട് എല്‍.പി സ്‌കൂളില്‍ നാല് എ ക്ലാസിന്റ മുകള്‍ ഭാഗത്തുള്ള സിമന്റ് സീലിങ് ഒരു ഭാഗം അടര്‍ന്ന് വീഴുകയായിരുന്നു. ഉച്ചക്ക് രണ്ടോടെയാണ് അപകടം.
ഇതിന് താഴെ ബെഞ്ചില്‍ ഇരിക്കുകയായിരുന്ന സുബാന സിനു, മുഹമ്മദ് അജ്മല്‍, ആദില്‍, മുഹമ്മദ് ജാസില്‍, സന്‍ഹ, നിഹാല ജാസ്മിന്‍ എന്നീ വിദ്യാര്‍ഥികള്‍ക്കാണ് നിസാര പരുക്കേറ്റത്. കുട്ടികള്‍ വളാഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.