തിരുവനന്തപുരം: ഇന്ന് എത്തുമെന്ന് റിസര്‍വ് ബാങ്ക് അറിയിച്ച പുതിയ 500 രൂപ നോട്ട് ബാങ്കുകളിലും എ.ടി.എമ്മുകളിലും എത്തിയില്ല. നഗരത്തില്‍ പഴയ നോട്ട് മാറാന്‍ ഇന്നും ബാങ്കുകള്‍ക്ക മുമ്പില്‍ നീണ്ട ക്യൂവിലാണ് ജനങ്ങള്‍. എന്നാല്‍, ബാങ്കുകളില്‍ നിന്നും ജനങ്ങള്‍ക്ക് നല്‍കുന്നത് 2000 രൂപയുടെ നോട്ടുകളാണ്. വ്യാപാര സ്ഥാപനങ്ങളില്‍ നിന്നും സാധാനം വാങ്ങിയ ശേഷം ഉപഭോക്താക്കള്‍ ചില്ലറ നല്‍കാനില്ലാതെ വ്യാപാരികളും വിഷമിക്കുകയാണ്. കഴിഞ്ഞ ദിവസങ്ങളെ അപേക്ഷിച്ച് പൊതുവേ ബാങ്കുകളിലും എ.ടി.എമ്മുകളിലും ക്യൂവിന്റെ നീളം കുറഞ്ഞിട്ടുണ്ട്.