കോഴിക്കോട്: സമസ്ത ജില്ലാ കമ്മിറ്റി അറബിക് കോളജുകളില്‍ സംഘടിപ്പിക്കുന്ന ആദര്‍ശ ശില്‍പശാലയുടെ ഉദ്ഘാടനം 24ന് രാവിലെ പത്തിന് കടമേരി റഹ്മാനിയ്യ അറബിക് കോളജില്‍ നടക്കും. ഉദ്ഘാടന സെഷനില്‍ എസ്.എം.എഫ് സംസ്ഥാന ജനറല്‍ സെക്രട്ടറി മുക്കം ഉമര്‍ ഫൈസി അധ്യക്ഷനാകും.
സമസ്ത ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ ഉദ്ഘാടനം ചെയ്യും. യു.കെ അബ്ദുല്‍ ലത്തീഫ് മൗലവി, കെ.സി മുഹമ്മദ് ഫൈസി വിഷയാവതരണം നടത്തും. തിരഞ്ഞെടുക്കപ്പെടുന്ന യുവപണ്ഡിതന്മാര്‍ക്ക് കോച്ചിങ് നല്‍കും.