മലപ്പുറം: പാസ്‌പോര്‍ട്ട് അപേക്ഷകള്‍ പോസ്റ്റ് ഓഫിസുകളില്‍ സ്വീകരിക്കാനുള്ള നിക്കത്തിലും അനധികൃത സ്ഥലംമാറ്റത്തിലും പ്രതിഷേധിച്ച് പാസ്‌പോര്‍ട്ട് ഓഫിസ് ജിവനക്കാര്‍ ഓഫിസിനുമുന്നില്‍ പ്രതിഷേധിച്ചു. ആള്‍ ഇന്ത്യ പാസ്‌പോര്‍ട്ട് സ്റ്റാഫ് അസോയിയേഷന്റെ നേതൃത്വത്തില്‍ നടത്തിയ പ്രതിഷേധം യൂനിറ്റ് പ്രസിഡന്റ് മാത്യൂവര്‍ഗീസ് ഉദ്ഘാടനം ചെയ്തു.

സെക്രട്ടറി രവീന്ദ്രന്‍ അധ്യക്ഷനായി. ജീവനക്കാരെ അനാവശ്യമായി സ്ഥലം മാറ്റുന്നത് പാസ്‌പോര്‍ട്ട് ഓഫിസിന്റെ പ്രവര്‍ത്തനത്തെ ബാധിക്കുമെന്ന് ജീവനക്കാര്‍ പറഞ്ഞു. നാളെ അധികൃതരുമായി നടക്കുന്ന ചര്‍ച്ചയില്‍ തീരുമാനമായില്ലെങ്കില്‍ അഅനിശ്ചിതകാല സമരം ആരംഭിക്കുമെന്ന് പ്രസിഡന്റ് മാത്യൂവര്‍ഗീസും സെക്രട്ടറി രവീന്ദ്രനും പറഞ്ഞു.