കൊല്ലം: എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നര്‍ക്കോട്ടിക്ക് സെല്‍ നടത്തിയ മിന്നല്‍ പരിശോധനയില്‍ രണ്ട് കഞ്ചാവ് വില്‍പനക്കാര്‍ പിടിയിലായി.
അസിസ്റ്റന്റ് കമ്മീഷണര്‍ രാധാകൃഷ്ണ പിള്ളയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ സര്‍ക്കിള്‍ ഇന്‍സ്‌പെക്ടര്‍ താജുദ്ദീന്‍ കുട്ടിയുടെ നേതൃത്വത്തിലുള്ള സ്‌പെഷ്യല്‍ ഷാഡോ ടീമാണ് കൊല്ലം സീപാലസ് ഹോട്ടലിനു സമീപത്തുനിന്നും അറസ്റ്റ് ചെയ്തത്. 37പൊതി കഞ്ചാവുമായി മുണ്ടയ്ക്കല്‍ വെസ്റ്റ് കളീയ്ക്കല്‍ കടപ്പുറത്ത്് നൂര്‍ജഹാന്‍ മന്‍സിലില്‍ സിറാജുദ്ദീന്‍(34) എന്നയാളെയും കേരളാപുരം ജങ്ഷനില്‍ നിന്നും 40 പൊതി കഞ്ചാവുമായി കുഴിയം അശ്വതി ഭവനില്‍ ഷാജിയെന്ന അശോകനേയും(50) എക്‌സൈസ് അറസ്റ്റുചെയ്തു. കഴിഞ്ഞ വര്‍ഷം പിടിയിലായ പ്രതികളെ ചോദ്യം ചെയ്തതിലൂടെയാണ് ഇവരെകുറിച്ചുള്ള വിവരങ്ങള്‍ എക്‌സൈസിന് കിട്ടിയത്. വിദ്യാര്‍ഥികളെ കേന്ദ്രീകരിച്ചാണ് ഇവര്‍ കഞ്ചാവ് വില്‍പന നടത്തിവന്നത്. റെയ്ഡില്‍ ഇന്‍സ്‌പെക്ടര്‍ എം.കൃഷ്ണകുമാര്‍, പ്രിവന്റീവ് ഓഫിസര്‍ വിനോദ്, ശശികുമാര്‍, ഷാഡോ അംഗങ്ങളായ വിഷ്ണുരാജ്, ദിലീപ്,ടോമി എന്നിവര്‍ നേതൃത്വം നല്‍കി.