കൊല്ലം: വനിതാ ഖുര്‍ആന്‍ പഠനവേദി ആന്റ് ചാരിറ്റബിള്‍ സൊസൈറ്റി വാര്‍ഷികത്തിന്റെ ഭാഗമായി പ്രസിദ്ധീകരിക്കുന്ന'നൂര്‍ജി ജലാല്‍ സ്മരണിക'യുടെ പ്രകാശനവും സെമിനാറും 19ന് കൊല്ലം പബ്ലിക്ക് ലൈബ്രറി ഹാളില്‍ നടക്കും. രാവിലെ 9.30ന് പഠനവേദി പ്രസിഡന്റ് നാജി സൈനുലാബ്ദീന്റെ അധ്യക്ഷതയില്‍ ചേരുന്ന ചടങ്ങില്‍ മന്ത്രി ജെ. മേഴ്‌സിക്കുട്ടിയമ്മ  സ്മരണിക പ്രകാശനം ചെയ്യും. മേയര്‍ വി രാജേന്ദ്രബാബു ഏറ്റുവാങ്ങും. കേരളാ മുസ്‌ലിം ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി സമ്മേളനം ഉദ്ഘാടനം ചെയ്യും.
എന്‍.കെ പ്രേമചന്ദ്രന്‍ എം.പി,എം മുകേഷ് എം.എല്‍.എ,മുന്‍ എം.പി കെ.എന്‍ ബാലഗോപാല്‍,മുന്‍ എം.എല്‍.എ യുനുസ്‌കുഞ്ഞ്,കോര്‍പ്പറേഷന്‍ പ്രതിപക്ഷനേതാവ് എ.കെ ഹഫീസ്,കേരളശബ്ദം മാനേജിങ് എഡിറ്റര്‍ ഡോ. ബി.എ രാജാകൃഷ്ണന്‍,അസീസിയാ ചെയര്‍മാന്‍ അബ്ദുല്‍ അസീസ് എന്നിവര്‍ സംസാരിക്കും. 11ന് 'ഏക സിവില്‍കോഡ്,വിവാഹം,വിവാഹമോചനം,സ്ത്രീസുരക്ഷ-വിശുദ്ധ ഖുര്‍ആന്റെ വെളിച്ചത്തില്‍' സെമിനാര്‍ തൊടിയൂര്‍ മുഹമ്മദ്കുഞ്ഞ് ഉദ്ഘാടനം ചെയ്യും. എം.എ സമദ് മോഡറേറ്ററായിരിക്കും. കെ.പി മുഹമ്മദ് മുഖ്യപ്രഭാഷണം നടത്തും. കാരാളി ഇ.കെ സുലൈമാന്‍ ദാരിമി പ്രബന്ധാവതരണം നടത്തും. എം നൗഷാദ് എം.എല്‍.എ,തേവലക്കര അലിയാരുകുഞ്ഞു മൗലവി,ഡോ. എം.എസ് മൗലവി,പ്രൊഫ. പി.ഒ.ജെ ലബ്ബ,മൂവാറ്റുപ്പുഴ അഷ്‌റഫ് മൗലവി,ഡോ. എം.എം ബഷീര്‍,പി രാമഭദ്രന്‍,നൂര്‍ജി ഫസില്‍,ജന്നത്ത് ഷറഫ് എന്നിവര്‍ സംസാരിക്കും.