ന്യൂഡല്‍ഹി: 70 ലക്ഷം രൂപയുടെ 100 രൂപ നോട്ടുകള്‍ കൈവശം വച്ച ഡോക്ടര്‍ അറസ്റ്റില്‍. ഡല്‍ഹി പഹാഡ്ഗഞ്ചില്‍ ശിശുരോഗവിദഗ്ധനായ നല്ലാല്‍ എന്നയാളാണ് അറസ്റ്റിലായത്. നോട്ടുകെട്ടുകള്‍ കാറിലേക്കു മാറ്റുന്നതിനിടെ  ശ്രദ്ധയില്‍പ്പെട്ട പ്രദേശവാസിയാണ് പൊലിസില്‍ വിവരം നല്‍കിയത്. പൊലിസ് സ്ഥലത്തെത്തി ഇയാളെ അറസ്റ്റ് ചെയ്യുകയായിരുന്നു. 69,86,000 രൂപയുടെ 100 രൂപ നോട്ടുകളാണ് ഇയാളുടെ കൈവശം ഉണ്ടായിരുന്നത്. തന്റെ വ്യവസായിയായ സുഹൃത്ത് നല്‍കിയ പണമാണിതെന്നാണ് പ്രതി മൊഴി നല്‍കിയിരിക്കുന്നത്. കൂടുതല്‍ അന്വേഷണങ്ങള്‍ക്കായി പൊലിസ് കേസ് ആദായനികുതി വകുപ്പിനു കൈമാറി.