ഫറോക്ക്: മാധ്യമ പ്രവര്‍ത്തനത്തിലെ അവിശുദ്ധ ബന്ധങ്ങളാണ് വാര്‍ത്തകള്‍ വളച്ചൊടിക്കുന്നതിനു കാരണമായിത്തീരുന്നതെന്ന് പ്രസ് ക്ലബ് പ്രസിഡന്റ് കമാല്‍ വരദൂര്‍ അഭിപ്രായപ്പെട്ടു. ഫാറൂഖ് കോളജ് വിദ്യാര്‍ഥി യൂനിയന്‍ സംഘടിപ്പിച്ച മീഡിയ ഫെസ്റ്റ് ഉദ്ഘാടനം ചെയ്യുകയായരുന്നു അദ്ദേഹം. പ്രിന്‍സിപ്പല്‍ പ്രൊഫ. ഇ.പി ഇമ്പിച്ചിക്കോയ അധ്യക്ഷനായി. അധ്യാപകരായ പ്രൊഫ. എ.കെ അബ്ദുറഹീം, അസി. പ്രൊഫ. ടി. മന്‍സൂറലി, ഇ.കെ സാജിത്, വിദ്യാര്‍ഥി യൂനിയന്‍ ചെയര്‍മാന്‍ ഫഹീം അഹമ്മദ്, ജനറല്‍ സെക്രട്ടറി ഹാഫിസ് മുഹ്‌സിന്‍, ജോയിന്റ് സെക്രട്ടറി നുഹ സംസാരിച്ചു. ഇന്ന് ജോസ് കുര്യന്‍, ഷാനി പ്രഭാകരന്‍, ഷാജഹാന്‍ കാളിയത്ത് എന്നിവര്‍ വിവിധ സെഷനുകളില്‍ സംസാരിക്കും.