പട്ടാമ്പി: പട്ടാമ്പി യു.ഡി.എഫ് സ്ഥാനാര്‍ഥിയുടെ പരാജയത്തിനിടയാക്കിയ ചര്‍ച്ചകള്‍ കെട്ടടങ്ങിയില്ല. കാരണമന്വേഷിച്ചവര്‍ക്ക് മുന്നണിയില്‍ നിന്ന്് തന്നെ കാല് മാറിപോയവരാണന്ന സംസാരം കേട്ട് മടങ്ങേണ്ടി വന്നു. മണ്ഡലത്തിലെ വികസന സ്വപ്നങ്ങള്‍ക്ക് വാതില്‍ തുറന്ന സി.പിയുടെ പരാജയം കോണ്‍ഗ്രസ് - ലീഗ് പ്രവര്‍ത്തകരെ കടുത്ത നിരാശയിലാക്കിയത്. തെരഞ്ഞെടുപ്പ് പ്രചരണത്തില്‍ അഹോരാത്രം നിറസാന്നിധ്യമായിരുന്ന യൂത്ത് ലീഗ് പ്രവര്‍ത്തകരുടെ നീണ്ട നിര കൊട്ടികലാശത്തില്‍ ഏറെ ശ്രദ്ധപിടിച്ചുപറ്റിയിരുന്നു. പ്രചരണത്തിലെ ഓരോ ഘട്ടത്തിലും നിഴലായി നിന്ന ഇവര്‍ക്ക് താങ്ങാവുന്നതിലുമപ്പുറമായിരുന്നു സി.പി യുടെ പരാജയം. അതെ സമയം, പരാജയത്തിന്റെ ചര്‍ച്ചകള്‍ നീളുമ്പോഴും പാര്‍ട്ടിപ്രവര്‍ത്തകര്‍ക്കിടയിലെ അസ്വാരസ്യങ്ങളാണ് പുറത്ത് വരുന്നതെന്ന ദു:ഖ സത്യവും നിലനില്‍ക്കുന്നുണ്ട്. മണ്ഡലത്തിലെ വിവിധ ഭാഗങ്ങളില്‍ നിന്നുള്ളവര്‍ ഒറ്റകെട്ടായി പരാജയപ്പെടുത്താന്‍ തന്ത്രം മെനഞ്ഞിരുന്നതായി വ്യക്തമാക്കുന്ന സംസാരങ്ങളും പുറത്ത് വരുന്നുണ്ട്.
ഇടത് പക്ഷത്തിന്റെ വോട്ട് കച്ചവടം ആരോപണം വില്ലനായി മാറിയതും സി.പിയുടെ പരാജയത്തിന് ആക്കം കൂട്ടി. എങ്കിലും പരാജയ പാഠങ്ങള്‍ പഠിച്ച് ശക്തമായ തിരിച്ചുവരവ് നടത്താനുള്ള ശ്രമത്തിലാണ് യു.ഡി.എഫ് പ്രവര്‍ത്തകര്‍.