പൂഞ്ഞാര്‍ : സെന്റ് ആന്റണീസ് ഹയര്‍ സെക്കന്‍ഡറി സ്‌കൂളില്‍ നടക്കുന്ന ഈരാറ്റുപേട്ട ഉപജില്ലാ കലോത്സവത്തില്‍ സംസ്‌കൃതോത്സവവും അറബിക് കലോത്സവവും സമാപിച്ചു. ജനറല്‍ വിഭാഗ മത്സരങ്ങള്‍ നാളെ സമാപിക്കും. സംസ്‌കൃതോത്സവത്തില്‍ യു.പി വിഭാഗത്തില്‍ എസ്.ജി.എം യു.പി സ്‌കൂള്‍ ഒളയനാടും ഹൈസ്‌കൂള്‍ വിഭാഗത്തില്‍ എസ്.എം.വി. എച്ച്.എസ്.എസ് പൂഞ്ഞാറും ഓവറോള്‍ ചാംപ്യന്‍ഷിപ്പ് കരസ്ഥമാക്കി. അറബിക് കലോത്സവത്തില്‍ എല്‍.പി വിഭാഗത്തില്‍ എം.എം.എം യു.പി സ്‌കൂള്‍ കാരക്കാടും യു.പി വിഭാഗത്തില്‍ മുസ്‌ലിം ഗേള്‍സ് എച്ച്.എസ്.എസ് ഈരാറ്റുപേട്ട, ഹയാദ്ദുദീന്‍ ഹൈസ്‌കൂള്‍ ഈരാറ്റുപേട്ട എന്നിവരും ഹൈസ്‌കൂള്‍ വിഭാഗത്തില്‍ മുസ്‌ലിം ഗേള്‍സ് എച്ച്.എസ്.എസ് ഈരാറ്റുപേട്ടയും ഓവറോള്‍ കിരീടത്തിന് അര്‍ഹത നേടി.