കോഴിക്കോട്: കേരള ബാഖവി മജ്‌ലിസുല്‍ ഉലമയുടെ ആഭിമുഖ്യത്തില്‍ 22ന് കോഴിക്കോട് ബാനീഹസ്രത്ത് നഗറില്‍ (ജൂബിലിഹാള്‍) നടക്കുന്ന ദേശീയ ഫിഖ്ഹ് കോണ്‍ഫറന്‍സിന് അന്തിമരൂപമായി. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനംചെയ്യും. ജിഫ്‌രി മുത്തുക്കോയ തങ്ങള്‍ പ്രാര്‍ഥനക്ക് നേതൃത്വം നല്‍കും. ബാഖവി മജ്‌ലിസുല്‍ ഉലമാ പ്രസിഡന്റ്് സഈദലി ഹസ്രത്ത് വേലൂര്‍ അധ്യക്ഷനാകും. പ്രൊഫ. കെ.ആലിക്കുട്ടി മുസ്‌ലിയാര്‍ മുഖ്യപ്രഭാഷണംനടത്തും. കോട്ടുമല ബാപ്പു മുസ്‌ലിയാര്‍, പി.കെ.പി അബ്ദുസ്സലാം മുസ്്‌ലിയാര്‍, എന്‍.കെ മുഹമ്മദ് ബാഖവി കടൂപുറം, സയ്യിദ് മുഹമ്മദ് കോയതങ്ങള്‍ ജമലുല്ലൈലി മുഖ്യാതിഥികളാകും.
വിവിധ സെഷനുകളിലായി മസ്തിഷ്‌ക്ക മരണം, അവയവ മാറ്റം, ക്ലോണിങ്, ടെസ്റ്റ് ട്യൂബ് ശിശു, ഫിഖ്ഹും ഉസൂലുല്‍ ഫിഖ്ഹും തസവ്വുഫും, അവയവ ദാനം എന്നീവിഷയങ്ങള്‍ ചര്‍ച്ച ചെയ്യും. ബാഖവി മജ്‌ലിസുല്‍ ഉലമാ തയാറാക്കുന്ന ഉപഹാരം ഡോ. എം.കെ മുനീര്‍ എം. എല്‍.എ അഡ്വ. പി.ടി.എ.റഹീം എം.എല്‍.എക്ക് നല്‍കി പ്രകാശനം ചെയ്യും.
സ്വാഗതസംഘം യോഗം പാണക്കാട് സയ്യിദ് ജൗഹറലി ശിഹാബ് തങ്ങള്‍ ഉദ്ഘാടനം ചെയ്തു. യു.കെ അബ്ദുല്‍ ലത്തീഫ് ബാഖവി അധ്യക്ഷനായി. ഡോ. അലി അസ്ഗര്‍ ബാഖവി കാവനൂര്‍ മുഖ്യപ്രഭാഷണം നടത്തി. എ.കെ യൂസുഫ് ബാഖവി സ്വാഗതം പറഞ്ഞു. കെ.മെയ്തീന്‍കൂട്ടി ബാഖവി, കെ. അബ്ദുല്‍ബാരി ബാഖവി, എന്‍.വി മുഹമ്മദ് ബാഖവി കാവനൂര്‍, മുഹമ്മദ് ബാഖവി മുണ്ടംപറമ്പ്, എം.കെ ഉമര്‍ ബാഖവി തിരുവമ്പാടി, അന്‍വര്‍ റശീദ് ബാഖവി, കെ.മുഹമ്മദ് ബാഖവി അമ്പലക്കണ്ടി, കെ.ഹുസൈന്‍ ബാഖവി, കെ.കെ അഹ്മദ്കുട്ടി ബാഖവി, അബ്ദുല്ല ബാഖവി മഞ്ചേരി, പി.കെ അബ്ദുല്ല ബാഖവി കോഴിക്കോട്, കെ. അബ്ദുല്ല ബാഖവി വാവാട്, കെ. അബ്ദുസ്സമദ് ബാഖവി, കെ. മുഹ്‌യുദ്ദീന്‍ ബാഖവി പാലക്കാട്, അബൂബക്കര്‍ ബാഖവി കണ്ണൂര്‍, അലി അക്ബര്‍ ബാഖവി തലശ്ശേരി, അഹ്മദ് അബൂബക്കര്‍ ബാഖവി കാസര്‍കോട്, ഇബ്രാഹീം ബാഖവി എടപ്പാള്‍, എ.കെ അബ്ദുല്‍ മജീദ് റാഫി നിസാമി, ജമാലുദ്ദീന്‍ ബാഖവി തിരുവനന്തപുരം പ്രസംഗിച്ചു.