വെങ്ങല്ലൂര്‍: വെങ്ങല്ലൂര്‍-കോലാനി ബൈപാസില്‍ കഴിഞ്ഞ ദിവസം രാത്രി നിക്ഷേപിക്കാന്‍ കൊണ്ടുവന്ന മാലിന്യവുമായി രണ്ടുപേരെ നാട്ടുകാര്‍ പിടികൂടി. കരിമണ്ണൂര്‍ സ്വദേശികളായ ലാല്‍, റോയി എന്നിവരെയാണു നാട്ടുകാര്‍ പിടികൂടി പൊലിസില്‍ ഏല്‍പ്പിച്ചത്.
മത്സ്യ മാലിന്യങ്ങളും തിയറ്ററുകളിലെയും ബേക്കറിയിലെയും ഭക്ഷണാവശിഷ്ടങ്ങളും പേപ്പര്‍ വേസ്റ്റുകളുമാണു പിടികൂടിയത്. മാലിന്യം കൊണ്ടുവന്ന വാഹനം തടഞ്ഞു നിക്ഷേപിച്ച മാലിന്യം അവരെ കൊണ്ടു തന്നെ നാട്ടുകാര്‍ നീക്കം ചെയ്യിച്ചു. തുടര്‍ന്ന് തൊടുപുഴ പൊലിസ് സ്ഥലത്തെത്തി വാഹനവും പ്രതികളെയും കസ്റ്റഡിയിലെടുത്തു.
കസ്റ്റഡിയിലെടുത്ത പ്രതികളെ ജാമ്യത്തില്‍ വിട്ടയച്ചു.