നെടുമങ്ങാട്: ഹരിതകേരള മിഷന്റെ ഭാഗമായി നെടുമങ്ങാട് നഗരസഭയില്‍ കാര്‍ഷിക കര്‍മസേന പരിശീലനം, കിണര്‍ റീചാര്‍ജിങ്, ഡംപ് സൈറ്റ് സൗന്ദര്യ വല്‍ക്കരിക്കല്‍, ജല സ്രോതസ്സ് വൃത്തിയാക്കി സംരക്ഷിക്കല്‍ തുടങ്ങിയ പദ്ധതികള്‍ നടപ്പാക്കും. ഉദ്ഘാടനം നാളെ കൃഷിമന്ത്രി വി.എസ്. സുനില്‍കുമാര്‍ നിര്‍വഹിക്കും.
പൂവത്തൂര്‍ തുമ്പോട് രാവിലെ ഒമ്പതിന് നടക്കുന്ന യോഗത്തില്‍ സി. ദിവാകരന്‍ എം.എല്‍.എ അധ്യക്ഷനാകും. പ്രവര്‍ത്തനങ്ങള്‍ക്ക് നേതൃത്വവും നല്‍കുന്നതിന് നഗരസഭാ ചെയര്‍മാന്‍, സെക്രട്ടറി, വാര്‍ഡ് കൗണ്‍സിലര്‍മാര്‍ എന്നിവരടങ്ങുന്ന സംഘാടകസമിതി രൂപീകരിച്ചിട്ടുണ്ട്. വൈസ് ചെയര്‍ പേഴ്‌സണ്‍ ലേഖ വിക്രമന്‍, സ്റ്റാന്റിങ്ങ് കമ്മറ്റി ചെയര്‍മാന്‍മാരായ പി. ഹരികേശന്‍ നായര്‍, ആര്‍. മധു, റഹിയാനത്ത് ബീവി, ഗീത, കൗണ്‍സിലര്‍മാരായ ടി. അര്‍ജുനന്‍, സുമയ്യ മനോജ്, നഗരസഭാ സെക്രട്ടറി എസ്. ജഹാംഗീര്‍ എന്നിവരും പത്രസമ്മേളനത്തില്‍ പങ്കെടുത്തു.