ജിദ്ദ: പുണ്യ സ്ഥലങ്ങളുടെ വികസ പദ്ധതികള്‍ അടുത്തയാഴ്ച അംഗീകാരത്തിന് ഗവണ്‍മെന്റിന് സമര്‍പ്പിക്കുമെന്ന് മക്ക മേഖല വികസന അതോറിറ്റി ജനറല്‍ സെക്രട്ടറി ഡോ. ഹിശാം അബ്ദുറഹ്മാന്‍ പറഞ്ഞു.

അറഫ മുതല്‍ മുസദലിഫ വഴി മിനയിലെ ജംറ വരെ എത്തുന്ന തുരങ്കം ഇതില്‍ പ്രധാന പദ്ധതിയെന്നുയെന്നും അദ്ദേഹം പറഞ്ഞു. അടിയന്തര ഘട്ടങ്ങളിലെ സുരക്ഷിത പാതായായി ഇതു ഉപയോഗിക്കാണാവും. പഠനങ്ങളും പുണ്യസ്ഥല വികസന പ്ലാനുകളും ഉള്‍ക്കൊള്ളുന്ന പദ്ധതികളാണ് ഗവര്‍മെന്റിന് സമര്‍പ്പിക്കുക.

ഇതിനു പുറമെ ജംറ മേഖലയെ ഹറമുമായി ബന്ധിപ്പിക്കുന്ന തുരങ്കവും പദ്ധതിയിലുണ്ട്. ഹറം മുറ്റവുമായാണ് ഇതിനെ ബന്ധിപ്പിക്കുക. പുണ്യസ്ഥലങ്ങളുടെ വിശുദ്ധി കണക്കിലെടുത്ത് മലഞ്ചെരുവിലെ മാതൃക താമസ കേന്ദ്രങ്ങള്‍, ഗതാഗത സംവിധാനങ്ങള്‍, നാലാംഘട്ട റിങ് റോഡ്, കുടകള്‍ സ്ഥാപിക്കുക, മുനിസ്സിപ്പാലിറ്റി, ആരോഗ്യ സേവനങ്ങള്‍ വിപുലീകരിക്കുക, മശാഇര്‍ മെട്രോ പുതിയ ലൈനുകള്‍ സ്ഥാപിക്കുക എന്നിവയും പദ്ധതിയിലെ മറ്റു പ്രധാന വികസന പദ്ധതിയെന്നും ഡോ. ഹിശാം അബ്ദുറഹ്മാന്‍ പറഞ്ഞു.

പദ്ധതികള്‍ നടപ്പാക്കാന്‍ ആറു വര്‍ഷമെങ്കിലും വേണ്ടി വരുമെന്നാണ് പ്രതീക്ഷിക്കുന്നത്. അടുത്തിടെ സ്ഥാപിച്ച അല്‍ മശാഇര്‍ കമ്പനിയുമായി സഹകരിച്ച് പദ്ധതി സമയബന്ധിതമായി പൂര്‍ത്തിയാക്കാനാണ് ഉദ്യേശ്യം.

കുട്ടായ പരിശ്രമങ്ങളിലൂടെ പുണ്യസ്ഥലങ്ങള്‍ വികസിപ്പിക്കണമെന്ന് കഴിഞ്ഞ ഹജ്ജ് വേളയില്‍ മക്ക ഗവര്‍ണര്‍ അമീര്‍ ഖാലിദ് അല്‍ഫൈസല്‍ ആവശ്യപ്പെട്ടിരുന്നു. വികസന പ്രവര്‍ത്തനങ്ങള്‍ യാഥാര്‍ഥ്യമാക്കാന്‍ ബന്ധപ്പെട്ട വകുപ്പുകളുമായി ചേര്‍ന്ന് ആവശ്യമായ നടപടികള്‍ പൂര്‍ത്തിയാക്കിവരികയാണ്.